ഇടുക്കി: സിബിഎസ്ഇ സിലബസില്‍ നിന്നും സര്‍ക്കാര്‍ സിലബസിലേക്കുള്ള മാറ്റം, ചിന്നക്കനാല്‍ എഫ്എംഎച്ച്എസ് വിദ്യാര്‍ഥിയായ ആലോഖ് ഏബിളിന് സമ്മാനിച്ചത് ജില്ലാ കലോത്സവത്തിലെ ഹൈസ്‌കൂള്‍ വിഭാഗം മോണോ ആക്ട് മത്സരത്തിലെ ഒന്നാംസ്ഥാനമാണ്.
അമ്മ ഗുരുവായി; മോണോ ആക്ടില് വിജയമധുരം നുകര്‍ന്ന് ആലോഖ്
ആദ്യമായാണ് ജില്ലാ കലോത്സവ വേദിയില്‍ മത്സരിക്കാനെത്തിയതെങ്കിലും മോണോ ആക്ട് വേദിയിലെ തന്മയത്വത്തോടെയുള്ള പ്രകടനമാണ് ആലോഖിനെ വിജയകിരീടം ചൂടിച്ചത്. അമ്മ ഷൈനിയായിരുന്നു ആലോഖിന്റെ ഗുരു. ദൈവത്തിന്റെ സ്വന്തം നാട് ചെകുത്താന്റെ സ്വന്തം നാടാകുന്നുവെന്ന ആശയവുമായിട്ടായിരുന്നു ആലോഖ് എന്ന എട്ടാംക്ലാസുകാരന്‍ ആസ്വാദകര്‍ക്ക് മുന്നിലെത്തിയത്.
