ഇടുക്കി: വെൺമണിയിൽ എക്സൈസ് ഉദ്യോഗസ്ഥന് നേരെ ആക്രമണം. ഇടുക്കി എക്സൈസ് സ്പെഷ്യൽ സ്ക്വാഡ് ഓഫീസിലെ സിവിൽ എക്സൈസ് ഓഫീസർ ടിഎസ് സുനിലിനെയാണ് വെൺമണിക്ക്‌ സമീപം മുൻ അബ്ക്കാരി കേസിലെ പ്രതികളായ ഒരു സംഘം തടഞ്ഞു നിര്‍ത്തി മർദ്ദിച്ചത്.
ക്രിസ്‌മസ്-പുതിവത്സര ആഘോഷങ്ങളുടെ ഭാഗമായി വ്യാജമദ്യ വില്‍പ്പന തടയുന്നതിനുള്ള നടപടികള്‍ എക്സൈസ് വകുപ്പ് ശക്തമാക്കിയിരുന്നു. പരിശോധനയില്‍ പ്രദേശത്ത് നിന്നും വ്യാജമദ്യം കണ്ടെടുത്തിരുന്നു. ഇതിന്‍റെ വൈരാഗ്യമാണ് ആക്രമണത്തിന് പിന്നിലെന്നാണ് നിഗമനം. പരിക്കേറ്റ ഉദ്യോഗസ്ഥനെ തൊടുപുഴ സ്വകാര്യ ആശുപത്രിയില്‍ പ്രവേശിപ്പിച്ചു.
