ഗണിതോത്സവം 2020ന് തുടക്കമായി

കേരളത്തിലെ വിദ്യാർഥികൾക്കിടയിൽ ഗണിതത്തെ കൂടുതൽ സൗഹൃദപരമാക്കാൻ സമഗ്ര ശിക്ഷ കേരളവും ബിആർസിയും സംയുക്തമായി നടത്തുന്ന ഗണിതോത്സവം 2020 ന്‍റെ  ഇടുക്കി ജില്ലാതല ഉദ്ഘാടനം കട്ടപ്പനയിൽ നടന്നു

ഇടുക്കി: സമഗ്ര ശിക്ഷ കേരളവും ബിആർസിയും സംയുക്തമായി നടത്തുന്ന ഗണിതോത്സവം 2020ന്‍റെ ജില്ലാതല ഉദ്ഘാടനം കട്ടപ്പനയിൽ നടന്നു. കേരളത്തിലെ വിദ്യാർഥികൾക്കിടയിൽ ഗണിതത്തെ കൂടുതൽ സൗഹൃദപരമാക്കുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.

പരിപാടിയുടെ ജില്ലാതല ഉദ്ഘാടനം നഗരസഭാ ചെയർമാൻ ജോയ് വെട്ടിക്കുഴി നിർവഹിച്ചു. ഗണിത വിഷയം കുട്ടികൾക്ക് കൂടുതൽ എളുപ്പമാക്കാൻ ഇത്തരത്തിലുള്ള പരിപാടികൾ കൊണ്ട് സാധിക്കുമെന്ന് ചെയർമാൻ പറഞ്ഞു. കട്ടപ്പന നഗരസഭയിലെ വിവിധ വിദ്യാലയങ്ങളിൽ നിന്നുമായി നൂറോളം വിദ്യാർഥികളാണ് ക്യാമ്പിൽ പങ്കെടുക്കുന്നത്. ഗണിത ക്യാമ്പ് 18ന് സമാപിക്കും.