എറണാകുളം: സ്വപ്‌ന സുരേഷ് നൽകിയ ഹർജികൾ ഹൈക്കോടതി ഇന്ന് വീണ്ടും പരിഗണിക്കും. കെ ടി ജലീലിന്‍റെ പരാതിയിന്മേൽ തിരുവനന്തപുരം കന്‍റോൺമെന്‍റ് പൊലീസെടുത്ത ഗൂഢാലോചനക്കേസും പാലക്കാട് സിപിഎം നേതാവിന്‍റെ പരാതിയിലെടുത്ത കലാപശ്രമ കേസും റദ്ദാക്കണമെന്നാവശ്യപ്പെട്ടാണ് ഹർജി. ഗൂഢാലോചന കേസിൽ കൂടുതൽ വകുപ്പുകൾ കൂട്ടിച്ചേർത്തിട്ടുണ്ടെന്ന് സ്വപ്‌ന കഴിഞ്ഞ തവണ ഹർജി പരിഗണിക്കവെ കോടതിയിൽ വ്യക്തമാക്കിയിരുന്നു.
എന്നാൽ, പൊലീസിന്‍റെ ഇത്തരം അധികാരം തടയാൻ കഴിയില്ലെന്നായിരുന്നു കോടതിയുടെ മറുപടി. ജസ്റ്റിസ് സിയാദ് റഹ്മാനാണ് ഹർജികൾ പരിഗണിക്കുന്നത്.
