ആലപ്പുഴയിൽ മഹിളാ മോർച്ചയുടെ പ്രതിഷേധം

ആലപ്പുഴ നഗരത്തിൽ നിന്ന് ആരംഭിച്ച പ്രതിഷേധ മാർച്ച് കലക്ടറേറ്റിനു മുന്നിൽ പൊലീസ് ബാരിക്കേഡ് വെച്ച് തടഞ്ഞു

ആലപ്പുഴ: സ്വർണക്കടത്ത് കേസിൽ ആരോപണവിധേയരായ മന്ത്രിമാരും അവരെ സംരക്ഷിക്കുന്ന മുഖ്യമന്ത്രി പിണറായി വിജയനും രാജിവെക്കണമെന്നാവശ്യപ്പെട്ട് ആലപ്പുഴയിൽ മഹിളാമോർച്ച പ്രതിഷേധ മാർച്ച് സംഘടിപ്പിച്ചു.

ആലപ്പുഴ നഗരത്തിൽ നിന്ന് ആരംഭിച്ച പ്രതിഷേധ മാർച്ച് കലക്ടറേറ്റിനു മുന്നിൽ പൊലീസ് ബാരിക്കേഡ് വെച്ച് തടഞ്ഞു. ഇത് പ്രവർത്തകരും പൊലീസും തമ്മിൽ നേരിയ ഉന്തുംതള്ളിനും കാരണമായി. തുടർന്ന് പ്രവർത്തകർ റോഡ് ഉപരോധിച്ചു. ഇതിന് ശേഷം നടന്ന പ്രതിഷേധ യോഗം മഹിളാ മോർച്ച സംസ്ഥാന പ്രസിഡന്‍റ് നിവേദിതാ സുബ്രഹ്മണ്യൻ ഉദ്ഘാടനം ചെയ്തു.