ആലപ്പുഴ: ചേർത്തല അന്ധകാരനഴിയിൽ കടലിൽ മത്സ്യബന്ധന വള്ളം മറിഞ്ഞു. ശക്തമായ കാറ്റിലും തിരമാലയിലും പെട്ടാണ് വള്ളം മറിഞ്ഞത്. വള്ളത്തില്‍ ഉണ്ടായിരുന്ന 22 മത്സ്യത്തൊഴിലാളികളെ കോസ്റ്റൽ പൊലീസും മറ്റ് വള്ളക്കാരും ചേര്‍ന്ന് രക്ഷപ്പെടുത്തി.
ചേർത്തല അന്ധകാരനഴിയിൽ മത്സ്യബന്ധന വള്ളം അപകടത്തില്‍പ്പെട്ടു
ചെല്ലാനത്ത് നിന്നും മത്സ്യബന്ധനത്തിന് പോയ സെന്‍റ് പീറ്റേഴ്‌സ് എന്ന വള്ളമാണ് ചേർത്തല പടിഞ്ഞാറ് കടലിൽ മറിഞ്ഞത്. ശക്തമായ മഴയെയും കടൽക്ഷോഭത്തെയും തുടർന്ന് ഫിഷറീസ് വകുപ്പ് നല്‍കിയ മുന്നറിയിപ്പ് അവഗണിച്ചാണ് മത്സ്യത്തൊഴിലാളികൾ കടലിൽ പോയത്.
