ഹാങ്‌ചോ : ഏഷ്യന്‍ ഗെയിംസ് (Asian Games 2023) ഷൂട്ടിങ്ങില്‍ ഇന്ത്യയ്ക്ക് വീണ്ടും സ്വര്‍ണം. പുരുഷന്‍മാരുടെ ട്രാപ് ഷൂട്ടിങ് ടീം ഇനത്തിലാണ് ഇന്ത്യന്‍ താരങ്ങള്‍ സ്വര്‍ണം വെടിവച്ചിട്ടത്. സൊരാവര്‍ സിങ് ( Zoravar Singh Sandhu), കിയാനന്‍ ചെനായ് (Kynan Chenai) പൃഥ്വിരാജ് ടൊണ്ഡയ്മാന് (Prithviraj Tondaiman) എന്നിവരടങ്ങിയ ടീമാണ് ഇന്ത്യയ്ക്കായി സ്വര്‍ണം നേടിയത്. (Prithviraj Tondaiman, Kynan Chenai and Zoravar Singh Sandhu trio win gold in Trap men's team event at Asian Games 2023).
കുവൈത്ത് വെള്ളി നേടിയപ്പോള്‍ ചൈനയാണ് വെങ്കലം സ്വന്തമാക്കിയത്. ആകെ 361 പോയിന്‍റുമായാണ് ഇന്ത്യന്‍ താരങ്ങളുടെ സ്വര്‍ണ നേട്ടം. പുരുഷന്‍മാരുടെ ട്രാപ് ഷൂട്ടിങ് ടീം ഇനത്തില്‍ ഏഷ്യന്‍ ഗെയിംസ് റെക്കോഡ് കൂടിയാണിത്. കുവൈത്ത് താരങ്ങള്‍ 352 പോയിന്‍റും ചൈനീസ് താരങ്ങള്‍ 346 പോയിന്‍റുമാണ് നേടിയത് (India Win Gold in Trap Men's Team Event).
അഞ്ച് റൗണ്ടുകളിലായി കിയാനന്‍ ചെനായ് 122 പോയിന്‍റാണ് നേടിയത്. സൊരാവര്‍ സിങ് 120 പോയിന്‍റും പൃഥ്വിരാജ് ടൊണ്ഡയ്മാന് 119 പോയിന്‍റുമാണ് നേടിയത്. ഇതോടെ ഹാങ്‌ചോ ഏഷ്യന്‍ ഗെയിംസില്‍ ഇന്ത്യയുടെ സ്വര്‍ണ നേട്ടം 11-ലേക്ക് എത്തി. ഇന്ത്യ നേടിയ 11 സ്വര്‍ണങ്ങളില്‍ 7 എണ്ണവും ഷൂട്ടിങ് ഇനങ്ങളില്‍ നിന്നാണ്.
അതേസമയം നേരത്തെ വനിത വിഭാഗം ട്രാപ് ഷൂട്ടിങ്ങ് ടീം ഇനത്തില്‍ ഇന്ത്യയ്ക്ക് വെള്ളി ലഭിച്ചിരുന്നു. മനീഷ കീര്‍ (Manisha Keer,), പ്രീതി രജാക് (Preeti Rajak), രാജേശ്വരി കുമാരി (Rajeshwari Kumari ) എന്നിവരടങ്ങിയ ടീമാണ് വെള്ളി മെഡല്‍ സ്വന്തമാക്കിയത്. 337 പോയിന്‍റാണ് ഇന്ത്യന്‍ താരങ്ങള്‍ക്ക് നേടാന്‍ കഴിഞ്ഞത് (The trio of Rajeshwari Kumari, Manisha Keer and Preeti Rajak finished second In shooting women's trap team event ).
അഞ്ച് റൗണ്ടുകളിലായി പ്രീതി രജാക് 112 പോയിന്‍റാണ് നേടിയത്. മനീഷ കീര്‍ 114 പോയിന്‍റ് നേടിയപ്പോള്‍ 111 പോയിന്‍റാണ് രാജേശ്വരി കുമാരിയ്‌ക്ക് നേടാന്‍ കഴിഞ്ഞത്. അതേസമയം ഗെയിംസിന്‍റെ എട്ടാം ദിനമാണിന്ന്. ഏഴാം ദിനമായ ഇന്നലെ രണ്ട് സ്വര്‍ണം നേടാന്‍ ഇന്ത്യയ്ക്ക് കഴിഞ്ഞിരുന്നു.
സ്‌ക്വാഷില്‍ വെറ്ററന്‍ സൗരവ് ഘോഷാലും യുവതാരം അഭയ് സിങ്ങും അടങ്ങുന്ന പുരുഷ ടീമാണ് ഇന്ത്യയ്ക്ക് സ്വര്‍ണം സമ്മാനിച്ചത്. (Indian team comprising Abhay Singh and Saurav Ghosal clinched gold medal in men's squash team Asian Games 2023) ഫൈനലില്‍ ചിരവൈരികളായ പാകിസ്ഥാനെ 2-1നാണ് ഇന്ത്യ കീഴടക്കിയത്.
ടെന്നീസിൽ മിക്‌സഡ് ഡബിൾസില്‍ നിന്നായിരുന്നു മറ്റൊരു സ്വര്‍ണം. രോഹൻ ബൊപ്പണ്ണ-ഋതുജ ഭോസാലെ ജോഡിയായിരുന്നു ഫൈനലിൽ ചൈനീസ് തായ്പേയ് താരങ്ങളെ തോല്‍പ്പിച്ച് ഒന്നാം സ്ഥാനത്ത് എത്തിയത് (Rohan Bopanna and Rutuja Bhosale win Gold at Asian Games 2023).
