മെക്‌സിക്കോ സിറ്റി: മെക്‌സിക്കന്‍ ഫുട്ബോളിനെ പിടിച്ചുലച്ച് നീലച്ചിത്ര നടിയുടെ വെളിപ്പെടുത്തല്‍. മെക്‌സിക്കോയിലെ ലിഗ എംഎക്‌സ് ഫുട്‌ബോള്‍ ടൂർണമെന്‍റിലെ കളിക്കാര്‍ ഉള്‍പ്പെടെ നിരവധി സെലിബ്രിറ്റികളുമായി താന്‍ ബന്ധപ്പെട്ടിട്ടുണ്ടെന്ന് അവകാശപ്പെട്ട് പോൺ സ്റ്റാറായ ഗിസെൽ മോണ്ടസാണ് രംഗത്ത് എത്തിയത്. ലിഗ എംഎക്‌സിലെ നാല് താരങ്ങളുമായി താന്‍ ബന്ധപ്പെട്ടിട്ടുണ്ടെന്നാണ് ഗിസെൽ മോണ്ടസിന്‍റെ വെളിപ്പെടുത്തലുണ്ടായിരിക്കുന്നത്.
കളിക്കാരുടെ പേരുപറയാന്‍ ഗിസെൽ മോണ്ടസ് തയ്യാറായില്ലെങ്കിലും അവരുടെ ക്ലബുകള്‍ നടി വെളിപ്പെടുത്തിയിട്ടുണ്ട്. മെക്‌സിക്കൻ ക്ലബുകളായ അറ്റ്‍ലസ്, ചിവാസ്, ടൈഗ്രെസ് ക്ലബുകളിലെ താരങ്ങളുമായാണ് താന്‍ ബന്ധപ്പെട്ടതെന്നാണ് ഗിസെൽ മോണ്ടസിന്‍റെ അവകാശവാദം. "അവരില്‍ ഒരാള്‍ അറ്റ്‌ലസിൽ നിന്നാണ്. രണ്ട് പേര്‍ ചിവാസില്‍ നിന്നും മറ്റൊരാള്‍ ടൈഗ്രെസില്‍ നിന്നുമുള്ളതാണ്", ഒരു പോഡ്‌കാസ്റ്റ് ഷോയിലാണ് താരം ഇക്കാര്യം പറഞ്ഞത്.
അവതാരകന്‍റെ ആവര്‍ത്തിച്ചുള്ള ചോദ്യത്തിന് ടൈഗ്രെസ് താരത്തെക്കുറിച്ച് കൂടുതല്‍ സൂചനകളും ഗിസെൽ മോണ്ടസ് നല്‍കി. അയാള്‍ ഏറെ അറിയപ്പെടുന്ന താരവും വിവാഹിതനുമാണെന്നാണ് നടി പറഞ്ഞത്. എല്ലാ കളിക്കാരും സോഷ്യൽ മീഡിയയിലൂടെ സന്ദേശങ്ങള്‍ അയച്ചാണ് താനുമായി അടുപ്പം സ്ഥാപിക്കുന്നത്. ആദ്യം അവര്‍ക്കൊപ്പം ഉച്ച ഭക്ഷണം കഴിക്കാന്‍ പോവുകയും തുടര്‍ന്നാണ് ശാരീരിക ബന്ധം നടന്നതെന്നുമാണ് ഗിസെൽ മോണ്ടസ് പറഞ്ഞതെന്നാണ് ഒരു സ്പാനിഷ് മാധ്യമം റിപ്പോർട്ട് ചെയ്‌തിരിക്കുന്നത്.
ഇതൊന്നും ചെയ്‌തത് പണത്തിന് വേണ്ടിയായിരുന്നില്ലെന്നും നടി വ്യക്തമാക്കിയിട്ടുണ്ട്. മെക്സിക്കോക്കാരിയായ ഗിസെൽ മോണ്ടസ് ഏറെ ആരാധകരുള്ള പോണ്‍ സ്റ്റാറും നടിയുമാണ്. ഇന്‍സ്റ്റഗ്രാമില്‍ 1.5 മില്യൻ പേരാണ് ഗിസെൽ മോണ്ടസിനെ പിന്തുടരുന്നത്.
അതേസമയം ബ്രസീലിയന്‍ സൂപ്പര്‍ താരം നെയ്‌മര്‍ക്കെതിരെ ഒരു അഡൽറ്റ്‌സ് ഒൺലി പ്ലാറ്റ്‌ഫോമിന്‍റെ മോഡലായ കീ ആൽവ്സ് നേരത്തെ രംഗത്ത് എത്തിയിരുന്നു. വോളിബോള്‍ രംഗത്ത് നിന്നും അഡൽറ്റ്‌സ് ഒൺലി എന്‍റര്‍ടെയ്‌ന്‍മെന്‍റ് ലോകത്തേക്ക് ചുവടുമാറിയ താരമാണ് കീ ആൽവ്‌സിന്‍റേത്. തനിക്കും സഹോദരിക്കും ഒപ്പം ലൈംഗിക ബന്ധത്തിൽ ഏർപ്പെടാൻ നെയ്‌മര്‍ താത്പര്യം പ്രകടിപ്പിച്ചുവെന്നാണ് സാവോ പോളോ സ്വദേശിനി കൂടിയായ കീ ആൽവ്സ് വെളിപ്പെടുത്തിയത്. ആവശ്യം നിരസിച്ചതോടെ നെയ്‌മര്‍ അസ്വസ്ഥനായെന്നും ആൽവസ് പറഞ്ഞു.
അമേരിക്കന്‍ ടെലിവിഷൻ റിയാലിറ്റി ഷോ ബിഗ് ബ്രദറിന്‍റെ ബ്രസീലിയന്‍ പതിപ്പിലാണ് കീ ആൽവ്സ് നെയ്‌മര്‍ക്കെതിരായ വെളിപ്പെടുത്തല്‍ നടത്തിയത്. വോളിബോള്‍ താരമായ കെയ്റ്റ്‌ ആൽവ്‌സാണ് കീ ആൽവ്‌സിന്‍റെ ഇരട്ട സഹോദരി. ബ്രസീലിയന്‍ വിമന്‍സ് വോളിബോള്‍ ലീഗില്‍ ഒർസാകോയ്ക്ക്‌ വേണ്ടിയായിരുന്നു കീ ആൽവ്സ് നേരത്തെ കളിച്ചിരുന്നത്. അഡൽറ്റ്‌സ് ഒൺലി എന്‍റര്‍ടെയ്‌ന്‍മെന്‍റ് രംഗത്തെത്തിയതോടെ വോളിബോൾ താരമായിരുന്നപ്പോള്‍ കിട്ടിയതിന്‍റെ അൻപത് ഇരട്ടി തുകയാണ് ലഭിക്കുന്നതെന്ന് കീ ആൽവ്സ് നേരത്തെ തന്നെ തുറന്ന് പറഞ്ഞിരുന്നു.
അതേസമയം കാമുകി ബ്രൂണ ബിയാന്‍കാർഡിയെ നെയ്‌മര്‍ വഞ്ചിച്ചുവെന്ന റിപ്പോര്‍ട്ടുകള്‍ അടുത്തിടെ പുറത്ത് വന്നിരുന്നു. ബ്ലോഗറും സോഷ്യല്‍ മീഡിയ ഇന്‍ഫ്ലുവന്‍സറുമായ ഫെർണാണ്ട കാംപോസുമായി നെയ്‌മറെ ചേര്‍ത്തുവച്ചായിരുന്നു വാര്‍ത്തകളുണ്ടാത്. ഇതിന് പിന്നാലെ തനിക്ക് തെറ്റ് സംഭവിച്ചതായി ഏറ്റുപറഞ്ഞ നെയ്‌മര്‍ ബ്രൂണ ബിയാന്‍കാർഡിയോടും കുടുംബത്തോടും പരസ്യമായി മാപ്പ് പറഞ്ഞ് സോഷ്യല്‍ മീഡിയയിലൂടെ രംഗത്ത് എത്തിയിരുന്നു.
ALSO READ: 'എനിക്ക് തെറ്റുപറ്റി' ; ഗര്‍ഭിണിയായ കാമുകിയെ വഞ്ചിച്ചുവെന്ന് തുറന്നുസമ്മതിച്ച് നെയ്‌മര്‍
