ഗുവാഹത്തി: ഇന്ത്യന്‍ ടി20 ടീമില്‍ ഫിനിഷറുടെ സ്ഥാനമുറപ്പിക്കാന്‍ റിങ്കു സിങ്ങിന് കഴിഞ്ഞുവെന്ന് വിശ്വസിക്കുന്നതായി ഓസ്‌ട്രേലിയയുടെ മുന്‍ നായകന്‍ സൈമണ്‍ കാറ്റിച്ച്. ഇത്തരമൊരു സ്പെഷ്യലിസ്റ്റ് റോളിലിറങ്ങി എല്ലാ കാര്യങ്ങളും ശരിയായി ചെയ്യാന്‍ റിങ്കുവിനാവുന്നുണ്ടെന്നും സൈമണ്‍ കാറ്റിച്ച് പറഞ്ഞു (Simon Katich praises Rinku Singh). ഓസ്‌ട്രേലിയയ്‌ക്ക് എതിരായ ടി20 പരമ്പരയിലെ (India vs Australia T20I) ആദ്യ രണ്ട് മത്സരങ്ങളിലെ 26കാരന്‍റെ തകര്‍പ്പന്‍ പ്രകടനത്തിന് പിന്നാലെയാണ് ഓസീസ് മുന്‍ നായകന്‍റെ വാക്കുകള്‍.
"ഇന്ത്യന്‍ ടി20 ടീമിലെ ഫിനിഷറുടെ സ്ഥാനം അവന്‍ സ്വന്തമാക്കി. ഐപിഎല്ലിന്‍റെ കഴിഞ്ഞ സീസണില്‍ സീസണില്‍ കൊൽക്കത്ത നൈറ്റ് റൈഡേഴ്സിന് വേണ്ടിയും ഇപ്പോൾ ഇന്ത്യക്ക് വേണ്ടിയും മിന്നും പ്രകടനമാണ് അവന്‍ നടത്തുന്നത്. കൂടുതൽ പരിചയസമ്പന്നരായ കളിക്കാർ ടീമിൽ തിരിച്ചെത്തുമ്പോൾ തീര്‍ച്ചയായും അവരില്‍ നിന്നും മത്സരമുണ്ടാകും.
ALSO READ: ആറ് താരങ്ങള്‍ നാട്ടിലേക്ക് ; ഇന്ത്യയ്‌ക്കെതിരായ ടി20 സ്‌ക്വാഡില്‍ വമ്പന്‍ മാറ്റവുമായി ഓസ്‌ട്രേലിയ
പക്ഷെ, ഇത്തരമൊരു സ്പെഷ്യലിസ്റ്റ് റോളില്‍ ഇറങ്ങി എല്ലാ കാര്യങ്ങളും ശരിയായി ആണ് റിങ്കു സിങ് ചെയ്യുന്നത്. ഒരാള്‍ക്ക് അത്ര എളുപ്പം നികത്താന്‍ കഴിയുന്ന ഒരു റോളല്ലയിത്. ഓസ്‌ട്രേലിയയ്‌ക്ക് എതിരായ കഴിഞ്ഞ മത്സരത്തിലേത് പോലെ അവസാനത്തെ എട്ടോ ഒമ്പതോ പന്തുകളില്‍ നിന്നും ആ 30 റണ്‍സ് നേടേണ്ടതുണ്ട്. റിങ്കു ഏറെ സ്ഥിരതയോടെയാണ് ഈ റോളില്‍ കളിക്കുന്നത് എന്നത് നമ്മള്‍ പ്രത്യേകം ശ്രദ്ധിക്കേണ്ടതുണ്ട്" സൈമണ്‍ കാറ്റിച്ച് പറഞ്ഞു (Simon Katich on Rinku Singh).
ALSO READ: 'പണി വാങ്ങിക്കൂട്ടി പാകിസ്ഥാൻ', 2025ലെ ചാമ്പ്യൻസ് ട്രോഫി വേദിയും നഷ്‌ടമായേക്കും
ഓസീസിനെതിരെ കളിച്ച രണ്ട് മത്സരങ്ങളിലും അവസാന ഓവറുകളില്‍ റണ്ണടിച്ച് കൂട്ടുന്ന റിങ്കുവിന്‍റെ മികവ് ഇന്ത്യയ്‌ക്ക് ഏറെ മുതല്‍ക്കൂട്ടായി. വിശാഖപട്ടണത്ത് നടന്ന ആദ്യ ടി20യില്‍ 14 പന്തില്‍ പുറത്താവാതെ 22 റണ്‍സടിച്ച് ഇന്ത്യയ്‌ക്ക് രണ്ട് വിക്കറ്റിന്‍റെ വിജയം ഉറപ്പിക്കാന്‍ റിങ്കുവന് കഴിഞ്ഞിരുന്നു. തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ നടന്ന രണ്ടാം ടി20യില്‍ ആദ്യം ബാറ്റ് ചെയ്‌ത ഇന്ത്യയെ കൂറ്റന്‍ സ്‌കോറിലേക്ക് നയിക്കുന്നതിലും താരം നിര്‍ണായകമായി.
ALSO READ: ഓസീസിനെതിരെ ഇന്ത്യ ജയിച്ചാല്‍ പണി പാകിസ്ഥാന് ; നഷ്‌ടമാവുക ലോക റെക്കോഡ്
വെറും ഒമ്പത് പന്തുകളില്‍ നിന്നും പുറത്താവാതെ 31 റണ്‍സായിരുന്നു റിങ്കു അടിച്ച് കൂട്ടിയത്. അതേസമയം പരമ്പരയിലെ മൂന്നാം മത്സരം ഇന്ന് വൈകിട്ട് ഏഴ്‌ മുതല്‍ക്ക് ഗുവാഹത്തിയിലെ ബർസാപര സ്റ്റേഡിയത്തില്‍ നടക്കും. കളിപിടിച്ചാല്‍ അഞ്ച് മത്സര പരമ്പര രണ്ട് മത്സരം ബാക്കി നില്‍ക്കെ തന്നെ ഇന്ത്യയ്‌ക്ക് സ്വന്തമാക്കാം.
ALSO READ: വെറും 60 റണ്‍സിന്‍റെ അകലം ; വിരാട് കോലിയുടെ വമ്പന്‍ റെക്കോഡ് തൂക്കാന്‍ സൂര്യകുമാര്‍ യാദവ്
