കോലി പാക്കിസ്ഥാനില്‍ കളിക്കണം; ആരാധകന്‍റെ പോസ്റ്റ് വൈറലായി

സാമൂഹ്യ മാധ്യമത്തില്‍ വൈറലായി കോലിയുടെ പാക് ആരാധകന്‍റെ പോസ്റ്റ്. ഇന്ത്യയും പാകിസ്ഥാനും ഒടുവില്‍ ഉഭയകക്ഷി പരമ്പര കളിച്ചത് 2012-13 സീസണില്‍.

ലാഹോർ: വിരാട് കോലി പാക്കിസ്ഥാനില്‍ കളിക്കണമെന്ന ആവശ്യവുമായി പാക് ആരാധകന്‍. ലാഹോറിലെ ഗദ്ദാഫി സ്റ്റേഡിയത്തില്‍ പാകിസ്ഥാനും ശ്രീലങ്കയും തമ്മിലുള്ള ട്വന്‍റി-20 മത്സരത്തിനിടെയാണ് പാക് ആരാധകന്‍ സാമൂഹ്യ മാധ്യമത്തില്‍ ഫോട്ടോ പോസ്റ്റ് ചെയ്ത് ഈ ആവശ്യം ഉയർത്തിയത്. സാമൂഹ്യമാധ്യമത്തില്‍ പോസ്റ്റ് വൈറലായി. വിരാട് കോലി നിങ്ങൾ പാകിസ്ഥാനില്‍ കളിക്കുന്നത് കാണാന്‍ ഞങ്ങൾ ആഗ്രഹിക്കുന്നുവെന്നാണ് പോസ്റ്റില്‍ ഉയർത്തിപ്പിടിച്ച് പ്ലക് കാർഡില്‍ പറയുന്നത്.

സാമൂഹ്യ മാധ്യമത്തില്‍ വൈറലായ കോലിയുടെ പാക്ക് ആരാധകന്‍റെ പോസ്റ്റ്.

ഇന്ത്യന്‍ ക്യാപ്റ്റന്‍ കോലി ഇതേവരെ പാക് മണ്ണില്‍ കളിച്ചിട്ടില്ല. 2012-13 സീസണിലാണ് ഇന്ത്യയും പാകിസ്ഥാനും ഏറ്റവും ഒടുവില്‍ ഉഭയകക്ഷി പരമ്പര കളിച്ചത്. പ്രതികൂലമായ രാഷ്‌ട്രീയ സാഹചര്യങ്ങളെ തുടർന്നാണ് ഇന്ത്യന്‍ ടീമിന്‍റെ പാകിസ്ഥാന്‍ പര്യടനം വർഷങ്ങളായി നീണ്ടുപോകുന്നത്. നിലവില്‍ ഇന്ത്യ ദക്ഷിണാഫ്രിക്കെതിരേ പൂനെയില്‍ രണ്ടാം ടെസ്റ്റ് മത്സരം കളിക്കുകയാണ്. ആദ്യ ദിനം മൂന്ന് വിക്കറ്റിന് നഷ്‌ട്ടത്തില്‍ 273 റണ്‍സെടുത്ത് ഭേദപ്പെട്ട നിലയിലാണ്. അതേസമയം ശ്രീലങ്കക്കെതിരായ ട്വന്‍റി-20 പരമ്പര 3-0ത്തിന് പാക്കിസ്ഥാന് നഷ്‌ടമായി. വ്യാഴാഴ്ച്ച നടന്ന അവസാന മത്സരത്തല്‍ ശ്രീലങ്കയോട് 13 റണ്‍സിനാണ് പാക്കിസ്ഥാന്‍ പരാജയപെട്ടത്.