ഹൈദരാബാദ്: നേപ്പാളിലെ എവറസ്റ്റ് പ്രീമിയർ ലീഗില് കളിക്കുമെന്ന് പ്രഖ്യാപിച്ച് വെസ്റ്റ് ഇന്ഡീസ് ഇതിഹാസ താരം ക്രിസ് ഗെയില്. പൊഖാറ റൈനോസിന് വേണ്ടിയാണ് താരം കളിക്കുക. ഫെബ്രുവരി 29ന് കാഠ്മണ്ഡുവില് ലീഗിന് തുടക്കമാകും. ലീഗ് അധികൃതർ ട്വീറ്റിലൂടെയാണ് ഇക്കാര്യം വ്യക്തമാക്കിയത്. അന്താരാഷ്ട്ര തലത്തില് ഗെയില് ഇതിനകം നിരവധി ടി20 ലീഗുകളില് കളിച്ചുകഴിഞ്ഞു.
ഗെയില് കൊടുങ്കാറ്റിന് നേപ്പാൾ ഒരുങ്ങിക്കോളു എന്ന് താരം ലീഗ് അധികൃതർക്ക് ട്വീറ്റിലൂടെ മറുപടി നല്കി. എവറെസ്റ്റ് പ്രീമിയർ ലീഗില് പൊഖാറ റൈനോസിന് വേണ്ടി കളിക്കാനായി താന് നേപ്പാളില് എത്തുമെന്നും താരം കൂട്ടിച്ചേർത്തു.
-
Another T20 league for the Universe Boss - he's off to Nepal! 🇳🇵@henrygayle will play for @pokhararhinos next month in the @eplt20official.https://t.co/GLsktYyZny pic.twitter.com/FqHQoy4knz
— ESPNcricinfo (@ESPNcricinfo) January 30, 2020 " class="align-text-top noRightClick twitterSection" data="
">Another T20 league for the Universe Boss - he's off to Nepal! 🇳🇵@henrygayle will play for @pokhararhinos next month in the @eplt20official.https://t.co/GLsktYyZny pic.twitter.com/FqHQoy4knz
— ESPNcricinfo (@ESPNcricinfo) January 30, 2020Another T20 league for the Universe Boss - he's off to Nepal! 🇳🇵@henrygayle will play for @pokhararhinos next month in the @eplt20official.https://t.co/GLsktYyZny pic.twitter.com/FqHQoy4knz
— ESPNcricinfo (@ESPNcricinfo) January 30, 2020
അന്താരാഷ്ട്ര ക്രിക്കറ്റിൽ നിന്നും ഗെയില് ഇതുവരെ ഔദ്യോഗികമായി വിരമിക്കല് പ്രഖ്യാപനം നടത്തിയിട്ടില്ല. കഴിഞ്ഞ വർഷം ഓഗസ്റ്റിൽ ഇന്ത്യക്കെതിരായ പോർട്ട് ഓഫ് സ്പെയിനില് നടന്ന ഏകദിനത്തിലാണ് താരം അവസാനമായി വെസ്റ്റ് ഇന്ഡീസിനായി കളിച്ചത്. ഇത് താരത്തിന്റെ വിടവാങ്ങൽ മത്സരമാകുമെന്ന് പ്രതീക്ഷിച്ചിരുന്നു. 2019 മാർച്ചില് ഇംഗ്ലണ്ടിനെതിരെയാണ് താരം അവസാനമായി അന്താരാഷ്ട്ര ടി20 മത്സരം കളിച്ചത്. 2014 മുതല് താരം ടെസ്റ്റ് മത്സരവും കളിച്ചിട്ടില്ല.