മെൽബൺ : ഓസ്ട്രേലിയൻ ക്രിക്കറ്റ് താരം ആദം സാംപ വിവാഹിതനായി. ദീര്‍ഘകാല സുഹൃത്തായ ഹാറ്റി ലെ പാൽമറാണ് വധു. കൊവിഡ് കാരണം രണ്ടു തവണ മാറ്റിവച്ച വിവാഹം കഴിഞ്ഞ ആഴ്ചയാണ് നടന്നതെന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്.
- " class="align-text-top noRightClick twitterSection" data="
">
നേരത്തെ കഴിഞ്ഞ വർഷമാണ് ഇരുവരും തമ്മിലുള്ള വിവാഹം തീരുമാനിച്ചിരുന്നത്. അതേസമയം വിവാഹിതനായ വാര്‍ത്ത സാംപ സോഷ്യല്‍ മീഡിയയിലൂടെ ആരാധകരോട് പങ്കുവെച്ചിട്ടില്ല. വിവാഹ വസ്ത്രം തയ്യാറാക്കിയ കേറ്റ് വില്ല എന്ന സ്ഥാപനമാണ് നവദമ്പതികളുടെ ചിത്രം പുറത്തുവിട്ടത്.
also read: 'ലൈറ്റ്നിങ്ങും', 'തണ്ടറും' ബോള്‍ട്ടിന് ചുറ്റും എപ്പോഴും കൊടുങ്കാറ്റാവുമെന്ന് ആരാധകര്‍
ഇതോടെയാണ് താരത്തിന്‍റെ വിവാഹവാര്‍ത്ത ആരാധകർ അറിഞ്ഞത്. അതേസമയം ലെഗ് സ്പിന്നറായ സാംപ വെസ്റ്റിൻഡീസിനെതിരെയാണ് ഇനി കളിക്കാനിറങ്ങുക. ജൂലൈയിലാണ് ഓസ്ട്രേലിയയുടെ വെസ്റ്റിൻഡീസ് പര്യടനം. അഞ്ച് ടി20 , മൂന്ന് ഏകദിനം എന്നിങ്ങനെയാണ് മത്സരങ്ങള്‍.
