ഇഞ്ചിയോൺ: കൊറിയൻ ഓപ്പൺ ബാഡ്‌മിന്‍റൺ ചാമ്പ്യൻഷിപ്പില്‍ ഇന്ത്യൻ താരം പി. കശ്യപ് സെമിഫൈനലില്‍ പുറത്ത്. ലോക ഒന്നാം നമ്പർ താരവും രണ്ട് തവണ ലോക ചാമ്പ്യനുമായ ജപ്പാന്‍റെ കെന്‍റോ മൊമോട്ടയോട് നേരിട്ടുള്ള സെറ്റുകൾക്കാണ് കശ്യപ് പരാജയപ്പെട്ടത്. സ്കോർ: 21-13, 21-15.
ക്വാർട്ടറില്‍ തകർപ്പൻ പ്രകടനം പുറത്തെടുത്താണ് കശ്യപ് സെമിയില്‍ കടന്നത്. ഡെൻമാർക്കിന്‍റെ ജാൻ ഒ ജോർഗെൻസെനെയാണ് കശ്യപ് ക്വാർട്ടറില്‍ വീഴ്‌ത്തിയത്. സമീപകാലത്തെ കശ്യപിന്‍റെ ഏറ്റവും മികച്ച പ്രകടനങ്ങളിലൊന്നാണ് ക്വാർട്ടറില്‍ പുറത്തെടുത്തത്. ഈ വർഷം ഇത് രണ്ടാം തവണയാണ് കശ്യപ് ഒരു ടൂർണമെന്‍റിന്‍റെ സെമിഫൈനലില്‍ കടക്കുന്നത്. ജപ്പാൻ താരം മൊമോട്ടോ കഴിഞ്ഞ വർഷം കൊറിയ ഓപ്പണിന്‍റെ ക്വാർട്ടറില്‍ പരാജയപ്പെട്ട് പുറത്തായിരുന്നു.
