Minnal Murali Netflix Release : നാളേറെയായുള്ള കാത്തിരിപ്പിനൊടുവില്‍ 'മിന്നില്‍ മുരളി' ഇനി പ്രേക്ഷകര്‍ക്ക് മുന്നിലെത്താന്‍ നിമിഷങ്ങള്‍ മാത്രം. ഇന്ത്യന്‍ സമയം ഇന്ന് ഉച്ചയ്‌ക്ക്‌ 1.30 നാണ് ചിത്രം ക്രിസ്‌മസ് റിലീസായി നെറ്റ്‌ഫ്ലിക്‌സിലെത്തുന്നത്. ദുബായിലുള്ളവര്‍ക്കും സന്തോഷം നല്‍കുന്ന വാര്‍ത്തയാണ് ഇപ്പോള്‍ പുറത്തുവരുന്നത്.
Minnal Murali release in Dubai : ദുബായിലുള്ളവര്‍ക്കും ഇന്ന് മുതല്‍ 'മിന്നല്‍ മുരളി' നെറ്റ്‌ഫ്ലിക്‌സിലൂടെ കാണാമെന്ന് അറിയിച്ചിരിക്കുകയാണ് ടൊവിനോ തോമസ്‌. ദുബായില്‍ വൈകിട്ട്‌ ആറ്, എട്ട്‌, ഒന്‍പത്‌ എന്നീ സമയങ്ങളിലാണ് 'മിന്നല്‍ മുരളി' നെറ്റ്‌ഫ്ലിക്‌സിലെത്തുന്നത്. ടൊവിനോ തന്‍റെ ഫേസ്‌ബുക്ക് പേജിലൂടെയാണ് ഇക്കാര്യം അറിയിച്ചിരിക്കുന്നത്.
- " class="align-text-top noRightClick twitterSection" data="">
Tovino Thomas post about Dubai release : 'മിന്നല്‍ മുരളി'യുടെ വരവ് ആഘോഷമാക്കാന്‍ ദുബായുടെ ആകാശങ്ങളിലേക്ക്‌ തങ്ങള്‍ എത്തുകയാണെന്നാണ് ടൊവിനോ ഫേസ്‌ബുക്കില്‍ കുറിച്ചത്. 'ഒരുപാട് കാലമായി ഞങ്ങൾ കുറേ പേരുടേത് മാത്രമായിരുന്ന 'മിന്നൽ മുരളി' നമ്മുടെയെല്ലാവരുടെയുമാകാൻ ഇനി മണിക്കൂറുകൾ മാത്രം.! ഈ വരവ് ഒരു ആഘോഷമാക്കാൻ ദുബായിയുടെ ആകാശങ്ങളിലേയ്ക്ക് ഞങ്ങൾ എത്തുകയാണ്‌, ഇനിയെന്നും 'മിന്നൽ മുരളി' നമ്മുടെയൊപ്പമുണ്ടെന്നു ഓർമ്മിപ്പിക്കാൻ, അത് ലോകത്തോട് ഉറക്കെ വിളിച്ചു പറയാൻ!'-ടൊവിനോ കുറിച്ചു.
Minnal Murali promo video : കഴിഞ്ഞ ദിവസം 'മിന്നില്‍ മുരളി'യിലെ പുതിയ പ്രമോഷന്‍ വീഡിയോ അണിയറപ്രവര്‍ത്തകര്‍ പുറുത്തുവിട്ടിരുന്നു. ഇന്ത്യന്‍ ക്രിക്കറ്റ്‌ താരം യുവരാജ്‌ സിങ്ങും ടൊവിനോ തോമസും ബാല താരം വശിഷ്‌ട്‌ ഉമേഷും ഉള്‍പ്പെടുന്ന വീഡിയോ ആണ് അണിയറപ്രവര്‍ത്തകര്‍ പുറത്തുവിട്ടത്. നിമിഷ നേരം കൊണ്ട്‌ ആരാധകര്‍ വീഡിയോ ഏറ്റെടുക്കുകയും ചെയ്‌തിരുന്നു.
Minnal Murali superhero test : യുവരാജ്‌ സിങ്‌, ദ ഗ്രേറ്റ്‌ ഖാലി എന്നിവരുടെ അടുത്ത് 'മിന്നല്‍ മുരളി' സൂപ്പര്‍ ഹീറോ ടെസ്‌റ്റിന് പോകുന്നതാണ് വീഡിയോയില്‍. 'മിന്നല്‍ മുരളി'യുടെ വേഗത പരിശോധിക്കാനായി ബൗളിങ്ങും ബാറ്റിങ്ങും ഒന്നിച്ച് തനിയെ ചെയ്യണമെന്ന് യുവരാജ്‌ ആവശ്യപ്പെടുകയും, രണ്ടും ഒന്നിച്ച് ചെയ്യണമെന്ന് കേട്ടപ്പോള്‍ ആദ്യം മടിക്കുകയും, എന്നാല്‍ സൂപ്പര്‍ ഹീറോ ടെസ്‌റ്റില്‍ പരാജയമാകുമെന്ന് യുവരാജ്‌ മുന്നറിയിപ്പ് നല്‍കുകയും ചെയ്യുന്നതോടെ ദൗത്യം ഏറ്റെടുത്ത് വിജയിക്കുകയും ചെയ്യുന്ന രംഗമാണ് വീഡിയോയില്‍.
Minnal Murali world premiere show : നെറ്റ്‌ഫ്ലിക്‌സ്‌ പ്രീമിയറിന് മുമ്പേ ചിത്രത്തിന്‍റെ ഗ്ലോബല്‍ പ്രീമിയര്‍ ജിയോ മാമി മുംബൈ ഫിലിം ഫെസ്‌റ്റിവലില്‍ നടന്നിരുന്നു. ഈ മാസം 16നായിരുന്നു ജിയോ മാമി പ്രദര്‍ശനം. പ്രീമിയര്‍ ഷോയ്‌ക്ക് ശേഷം മികച്ച അഭിപ്രായമാണ് 'മിന്നല്‍ മുരളി'ക്ക് ലഭിച്ചത്.
Priyanka Chopra about Minnal Murali : 'മിന്നല്‍ മുരളി' ഇഷ്‌ടപ്പെട്ടതായി ജിയോ മാമി മുംബൈ ഫിലിം ഫെസ്‌റ്റിവലിന്‍റെ ചെയര്‍പേഴ്‌സണും പ്രമുഖ ബോളിവുഡ്‌ താരവുമായ പ്രിയങ്ക ചോപ്ര നേരത്തെ തന്നെ പറഞ്ഞിരുന്നു.
First superhero Malayalam movie : മലയാളത്തിലെ ആദ്യ സൂപ്പര്‍ ഹീറോ ചിത്രമെന്ന വിശേഷണത്തോടെ പുറത്തിറങ്ങുന്ന ചിത്രമാണ് 'മിന്നല്‍ മുരളി'. ഒരിക്കല്‍ മിന്നലേല്‍ക്കുന്ന ടൊവിനോയുടെ കഥാപാത്രത്തിന് ചില അത്‌ഭുത ശക്തികള്‍ കൈവരിക്കുകയും അത് അയാളിലും നാട്ടുകാരുടെ ജീവിതത്തിലും സൃഷ്‌ടിക്കുന്ന സംഭവവികാസങ്ങളിലൂടെയുമാണ് ചിത്രം സഞ്ചരിക്കുന്നത്.
Tovino Thomas as superhero : ജയ്‌സണ്‍ എന്ന കഥാപാത്രത്തെയാണ് ചിത്രത്തില്‍ ടൊവിനോ അവതരിപ്പിക്കുന്നത്. ഇടിമിന്നലേറ്റ് അസാധാരണ ശക്‌തി കൈവരിക്കുന്ന ജയ്‌സണ്‍ ഒരു സൂപ്പര്‍ ഹീറോ ആയി മാറുന്നതാണ് കഥ. ബിഗ് ബഡ്‌ജറ്റ് ആയി ഒരുങ്ങുന്ന ചിത്രം 1990 കളിലൂടെയാണ് കഥ പറയുന്നത്.
Minnal Murali songs : ചിത്രത്തിന്‍റെ ട്രെയ്‌ലറുകളും ഗാനങ്ങളും ഇതിനോടകം തന്നെ ശ്രദ്ധയാകര്‍ഷിച്ചിട്ടുണ്ട്. 'തീ മിന്നല്‍ തിളങ്ങി' എന്ന ടൈറ്റില്‍ ഗാനം, 'ഉയിരേ ഒരു ജന്മം നിന്നെ' എന്ന ലിറിക്കല്‍ വീഡിയോ ഗാനം, ക്രിസ്‌തുമസ്‌ ഗാനം 'നിറഞ്ഞു താരകങ്ങള്‍', 'കുഗ്രാമമെ', 'എടുക്ക കാശായ്‌', 'ആരോമല്‍', 'രാവില്‍' എന്നീ ഗാനങ്ങള്‍ക്കെല്ലാം മികച്ച സ്വീകാര്യതയാണ് ലഭിച്ചത്.
Minnal Murali Trailer : അടുത്തിടെ ചിത്രത്തിന്‍റെ ബോണസ്‌ ട്രെയ്‌ലറും പുറത്തിറങ്ങിയിരുന്നു. ചിരിയുടെ മാലപ്പടക്കവുമായാണ് ആദ്യ ട്രെയ്‌ലര്‍ പുറത്തിറങ്ങിയതെങ്കില്‍ കണ്ണീരാണ് ബോണസ്‌ ട്രെയ്‌ലര്‍ നല്‍കിയത്. ഒരു നാട് മുഴുവന്‍ അപകടത്തിലാകുമ്പോള്‍ രക്ഷകനായി സൂപ്പര്‍ ഹീറോയായി എത്തുന്ന ടൊവിനോയാണ് ബോണസ്‌ ട്രെയ്‌ലറില്‍ . ആദ്യ ട്രെയ്‌ലറും പ്രേക്ഷകശ്രദ്ധ നേടിയിരുന്നു.
Minnal Murali cast and crew : ടൊവിനോയെ കൂടാതെ അജു വര്‍ഗീസ്, മാമുക്കോയ, ബൈജു, ഹരിശ്രീ അശോകന്‍, ഫെമിന ജോര്‍ജ് എന്നിവരും ചിത്രത്തില്‍ പ്രധാന കഥാപാത്രത്തെ അവതരിപ്പിക്കും. 'ജിഗര്‍ത്തണ്ട', 'ജോക്കര്‍' തുടങ്ങിയ ചിത്രങ്ങളിലൂടെ ശ്രദ്ധേയനായ തമിഴ് താരം ഗുരു സോമ സുന്ദരവും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നു.
വീക്കെന്‍ഡ് ബ്ലോക്ക്ബസ്‌റ്റേഴ്‌സിന്‍റെ ബാനറില്‍ സോഫിയ പോളിന്‍റെ നിര്‍മാണത്തില്‍ ബേസില്‍ ജോസഫിന്‍റെ സംവിധാനത്തില്‍ പിറക്കുന്ന ചിത്രമാണിത്. അരുണ്‍ അനിരുദ്ധന്‍, ജസ്‌റ്റിന്‍ മാത്യു എന്നിവരാണ് രചന നിര്‍വഹിക്കുന്നത്. സമീര്‍ താഹിര്‍ ഛായാഗ്രഹണവും ഷാന്‍ റഹ്‌മാന്‍ സംഗീതവും നിര്‍വഹിക്കുന്നു.
Andrew D'Cruz in Minnal Murali : വിഎഫ്എക്‌സിന് ഏറെ പ്രാധാന്യമുള്ള ചിത്രത്തിന്‍റെ വിഎഫ്‌എക്‌സ്‌ സൂപ്പര്‍ വൈസര്‍ ആന്‍ഡ്രൂ ഡിക്രൂസ് ആണ്. ചിത്രത്തിലെ രണ്ട് വമ്പന്‍ സംഘട്ടനങ്ങള്‍ സംവിധാനം ചെയ്യുന്നത് വ്‌ളാഡ് റിംബര്‍ഗാണ്. കലാസംവിധാനം മനു ജഗത്തും നിര്‍വഹിക്കുന്നു. മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്യും.
Once again Tovino Thomas and Basil Joseph : 'ഗോദ' ക്ക് ശേഷം ടൊവിനോ തോമസിനെ നായകനാക്കി ബേസില്‍ ജോസഫ് സംവിധാനം ചെയ്യുന്ന രണ്ടാമത്തെ ചിത്രം കൂടിയാണിത്.
Also Read : ക്‌ളാസിക് സേതുമാധവൻ: മലയാള സാഹിത്യത്തെ വെള്ളിത്തിരയില്‍ പകർത്തിവെച്ച സംവിധായകന്‍
