Etharkkum Thunindhavan trailer : സൂര്യയെ നായകനാക്കി പാണ്ഡിരാജ്‌ സംവിധാനം ചെയ്യുന്ന 'എതര്‍ക്കും തുനിന്തവന്‍' എന്ന ചിത്രത്തിന്‍റെ ട്രെയ്‌ലര്‍ പുറത്ത്. ആക്ഷന്‍, കോമഡി, പ്രണയം, വൈകാരികത തുടങ്ങി എല്ലാ ചേരുവകളും ഉള്‍ക്കൊള്ളുന്നതാണ് 'എതര്‍ക്കും തുനിന്തവന്‍' എന്നാണ് ട്രെയ്‌ലര്‍ നല്‍കുന്ന സൂചന. 2.12 മിനിറ്റ്‌ ദൈര്‍ഘ്യമുള്ള ട്രെയ്‌ലറില്‍ സൂര്യയുടെയും മറ്റും തകര്‍പ്പന്‍ ആക്ഷന്‍ രംഗങ്ങള്‍ ഹൈലൈറ്റാകുന്നുണ്ട്‌.
Etharkkum Thunindhavan theatre release: സൂര്യയുടെ 40ാമത്തെ ചിത്രം കൂടിയാണ് 'എതര്‍ക്കും തുനിന്തവന്‍'. മാര്‍ച്ച്‌ 10നാണ് ചിത്രം തിയേറ്ററുകളിലെത്തുക. മൂന്ന്‌ വര്‍ഷങ്ങള്‍ക്ക്‌ ശേഷമാണ് ഒരു സൂര്യ ചിത്രം പ്രദര്‍ശനശാലകളിലെത്തുന്നത്. തമിഴിന്‌ പുറമെ തെലുങ്ക്‌, കന്നട, മലയാളം, ഹിന്ദി എന്നീ ഭാഷകളിലും റിലീസ് ചെയ്യും.
- " class="align-text-top noRightClick twitterSection" data="">
Etharkkum Thunindhavan songs: നേരത്തെ പുറത്തിറങ്ങിയ ചിത്രത്തിലെ 'ഉള്ളം ഉറുകുതെ', 'വാടാ തമ്പി' എന്നീ ഗാനങ്ങള്‍ക്ക്‌ മികച്ച സ്വീകാര്യതയാണ് ലഭിച്ചത്. മൂന്നാമത്തെ ഗാനമായ 'സുമ്മ സുറ്‌ണു' ട്രെന്‍ഡിങ്ങിലും ഇടംപിടിച്ചു. ബോളിവുഡിന്‍റെ ഹിറ്റ്‌ ഗായകന്‍ അര്‍മാന്‍ മാലിക്കും നിഖിത ഗാന്ധിയും ചേര്‍ന്നാണ് ഈ ഗാനം ആലപിച്ചത്‌. ശിവകാര്‍ത്തികേയന്‍റെ വരികള്‍ക്ക്‌ ഡി.ഇമ്മന്‍ ആണ് സംഗീതം.
Also Read: 'നാരദന്' ഇനി മണിക്കൂറുകള്‍ മാത്രം ; കൗണ്ട്‌ഡൗണുമായി ടൊവിനോയും കൂട്ടരും
Sivakarthikeyan penned by Summa Surrunu: നടന്‍ ശിവ കാര്‍ത്തികേയന്‍ ഇതാദ്യമായാണ് സൂര്യ ചിത്രത്തിന് വേണ്ടി ഗാനരചയിതാവാകുന്നത്‌. തകര്‍പ്പന്‍ നൃത്തച്ചുവടുകള്‍ക്ക്‌ അനുയോജ്യമായ മനോഹര ഗാനമാണ് ശിവകാര്‍ത്തികേയന്‍ ചിട്ടപ്പെടുത്തിയിരിക്കുന്നത്.
Etharkkum Thunindhavan cast and crew: പ്രിയങ്ക അരുള്‍ മോഹന്‍ ആണ് നായികയായെത്തുന്നത്‌. സത്യരാജ്‌, സൂരി, ശരണ്യ പൊന്‍വര്‍ണ്ണന്‍, വിനയ്‌ റായ്‌, സിബി ഭുവനചന്ദ്രന്‍, ദേവദര്‍ശിനി, ജയപ്രകാശ്‌, എംഎസ്‌ ഭാസ്‌കര്‍ തുടങ്ങിയവരും മറ്റ്‌ പ്രധാന കഥാപാത്രങ്ങളെ അവതരിപ്പിക്കും. വിനയ്‌ റായ്‌ ആണ് വില്ലന്‍. സണ്‍ പിക്‌ചേഴ്‌സിന്‍റെ ബാനറില്‍ കലാനിധി മാരനാണ് നിര്‍മാണം. ആര്‍ രത്നവേലു ഛായാഗ്രഹണവും റൂബന്‍ എഡിറ്റിങും നിര്‍വഹിക്കും. ഡി.ഇമ്മനാണ് സംഗീതം.
Surya latest movies: 'പസംഗ 2' ന്‌ ശേഷം സൂര്യയും പാണ്ഡിരാജും ഒന്നിക്കുന്ന ചിത്രം കൂടിയാണ് 'എതര്‍ക്കും തുനിന്തവന്‍'. 'സൂരറൈ പോട്ര്‌', 'ജയ്‌ ഭീം' എന്നിവയാണ്‌ സൂര്യയുടേതായി ഏറ്റവും ഒടുവില്‍ പുറത്തിറങ്ങിയ സിനിമകള്‍. കൊവിഡ്‌ സാഹചര്യത്തില്‍ ഒടിടി റിലീസായാണ് ഈ ചിത്രങ്ങള്‍ പ്രേക്ഷകര്‍ക്ക്‌ മുമ്പിലെത്തിയത്‌.
