മാലിക്കിന്‍റെ കഥയെ കുറിച്ചുള്ള ചർച്ചകൾ ചൂട് പിടിക്കുമ്പോഴും ചിത്രത്തിന്‍റെ മേക്കിങ് വീഡിയോയും മറ്റ് ചിത്രീകരണവിശേഷങ്ങളും അറിയാൻ പ്രേക്ഷകരും ആകാംക്ഷയിലാണ്. ഇപ്പോഴിതാ, മാലിക് സെറ്റില്‍ നിന്നുമെടുത്ത ഒരു 'കുടുംബനൃത്ത'ത്തിന്‍റെ വീഡിയോയാണ് നിമിഷ സജയനും വിനയ് ഫോര്‍ട്ടും സമൂഹമാധ്യമങ്ങളിൽ പങ്കുവച്ചത്.
ചിത്രീകരണത്തിന്‍റെ ഇടവേളയിൽ നായിക റോസ്‌ലിനും കുടുംബവും ഒരുമിച്ചുള്ള ഒരു ഡാൻസ് രംഗമാണ് വീഡിയോയിലുള്ളത്. നിമിഷക്കും വിനയ് ഫോർട്ടിനുമൊപ്പം ഇരുവരുടെയും മാതാപിതാക്കളായി അഭിനയിച്ച മാല പാർവതിയും ആർജെ മുരുകനും ചേർന്ന് നൃത്തം ചെയ്യുന്നത് വീഡിയോയിൽ കാണാം.
