"ഇതുപോലൊരു റോഡ് ട്രിപ്പ് ആണ് ഞാനും പോകാൻ ആഗ്രഹിക്കുന്നത്," ടൊവിനോ തോമസ് നായകനാകുന്ന 'കിലോമീറ്റേഴ്സ് ആന്റ് കിലോമീറ്റേഴ്സ്' ചിത്രത്തിന്റെ ട്രെയിലർ കണ്ടതിന് ശേഷം ഇന്ത്യൻ ഓൾറൗണ്ടർ ഇർഫാൻ പതാൻ കുറിച്ച വാക്കുകളാണിത്. "ഒരു ദിവസം ഇതുപോലൊരു റോഡ് ട്രിപ്പ് പോകാനാണ് ഞാനും ആഗ്രഹിക്കുന്നത് ടൊവിനോ. നിങ്ങളെ പോലെ, പക്ഷേ ഹെൽമറ്റ് ധരിച്ച്. #ഡ്രൈവ് സേഫ്," ചിത്രത്തിന്റെ ട്രെയിലറിനൊപ്പം മുൻ ഇന്ത്യൻ ക്രിക്കറ്റ് താരം ട്വിറ്ററിൽ കുറിച്ചു. ഇതിന് പിന്നാലെ, ഇർഫാന് നന്ദി അറിയിച്ച് നടൻ ടൊവിനോ തോമസ് ട്വീറ്റ് ഫേസ്ബുക്കിൽ പങ്കുവെച്ചു. ഇർഫാന്റെ ഹെൽമറ്റ് ധരിക്കാനുള്ള നിർദേശത്തെ പ്രശംസിച്ച് പോസ്റ്റിന് താഴെ ആരാധകരും എത്തിയിട്ടുണ്ട്.
- " class="align-text-top noRightClick twitterSection" data="">
ജിയോ ബേബി സംവിധാനം ചെയ്യുന്ന റോഡ് മൂവി വിഭാഗത്തിൽ ഉൾപ്പെടുന്ന കിലോമീറ്റേഴ്സ് ആന്റ് കിലോമീറ്റേഴ്സിൽ നായികയായി എത്തുന്നത് ഇന്ത്യ ജാർവിസ് ആണ്. ഇന്ത്യ സന്ദർശിക്കാനെത്തുന്ന അമേരിക്കൻ വനിതയുടെയും അവർക്കൊപ്പം യാത്ര ചെയ്യുന്ന മലയാളി യുവാവിന്റെയും കഥയിലൂടെയാണ് ചിത്രം സഞ്ചരിക്കുന്നത്.