റോജ, യോദ്ധ ഈ രണ്ട് ചലച്ചിത്രങ്ങളുടെ പേര് മാത്രം പറഞ്ഞാല്‍ മതിയാകും മലയാളിക്ക് മധുബാല എന്ന നടിയെ ഓര്‍മിക്കാന്‍. തമിഴ്, തെലുങ്ക്, ഹിന്ദി, മലയാളം തുടങ്ങി നിരവധി ചിത്രങ്ങളില്‍ അഭിനയിച്ച താരം ചെറിയ ഇടവേളയ്ക്ക് ശേഷം വീണ്ടും സിനിമയിലേക്ക് തിരിച്ചെത്തുകയാണ്. മധുബാല പ്രധാന കഥാപാത്രമാകുന്ന മലയാള സിനിമയുടെ ഫസ്റ്റ്ലുക്ക് പുറത്തിറങ്ങി. 'എന്നിട്ട് അവസാനം' എന്നാണ് സിനിമയുടെ പേര്.
മധുബാലയ്‌ക്ക് പുറമെ അര്‍ജുന്‍ അശോകന്‍, അന്ന ബെന്‍ തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നു. എം.സി ജോസഫാണ് ചിത്രം തിരക്കഥ ഒരുക്കി സംവിധാനം ചെയ്യുന്നത്. വികൃതി എന്ന ഹിറ്റ് ചിത്രത്തിന് ശേഷം എം.സി ജോസഫ് ഒരുക്കുന്ന ചിത്രമാണിത്. സിനിമയുടെ ഫസ്റ്റ് ലുക്ക് പോസ്റ്റര്‍ അര്‍ജുന്‍ അശോകന്‍റെ ഫേസ്ബുക്ക് പേജിലൂടെ പുറത്തിറങ്ങി. അന്ന ബെന്‍ ഒടിക്കുന്ന സ്‌കൂട്ടറിന് പിന്നിലിരുന്ന് പായുന്ന മധുബാലയാണ് പോസ്റ്റിറിലുള്ളത്. ഇരുവര്‍ക്കും പിന്നാലെ ഓടി വരുന്ന അര്‍ജനെയും കാണാം. എജെജെ സിനിമാസിന്‍റെ ബാനറില്‍ അനന്ത് ജയരാജ് ജൂനിയര്‍, ജോബിന്‍ ജോയി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. അപ്പു പ്രഭാകറാണ് ഛായാഗ്രഹണം. ചിത്രത്തിന്‍റെ ഷൂട്ടിങ് വൈകാതെ ആരംഭിക്കും. ദുല്‍ഖര്‍ സല്‍മാനും നസ്രിയയും നായികാനായകന്മാരായി എത്തിയ സംസാരം ആരോഗ്യത്തിന് ഹാനികരമാണ് മധുബാലയുടെതായി പുറത്തിറങ്ങിയ അവസാന മലയാള ചിത്രം.
-
Ennitu Avasaanam
Posted by Arjun Ashokan on Sunday, November 1, 2020
Ennitu Avasaanam
Posted by Arjun Ashokan on Sunday, November 1, 2020
Ennitu Avasaanam
Posted by Arjun Ashokan on Sunday, November 1, 2020
