തിരുവനന്തപുരം: ഇരുപത്തിനാലാമത്‌ രാജ്യാന്തര ചലച്ചിത്ര മേളയിൽ ഭാവനയുടെ പുതുലോകം തുറന്ന് സിഗ്നേച്ചര് ഫിലിം . ‘ദി ഡോര്‍ ഓപ്പണ്‍സ്’ എന്ന സിഗ്നേച്ചര് ചിത്രത്തിന്‍റെ ആശയവും അനിമേഷനും കോഴിക്കോട് സ്വദേശിയും ചിത്രകാരനുമായ ജോഷി ബെനഡിക്ടിന്‍റേതാണ്. സന്തോഷ്.കെ.തമ്പി സംഗീതം ചെയ്തിരിക്കുന്ന ചിത്രത്തിന് ശബ്ദ സംവിധാനം നിർവഹിച്ചിരിക്കുന്നത് ആനന്ദ് ബാബുവാണ്.
പ്രേക്ഷകരുടെ ഹൃദയത്തുടിപ്പുമായി ജോഷി ബെനഡിക്ടിന്‍റെ സിഗ്നേച്ചര് ഫിലിം
ലോകത്തിന്‍റെ വിവിധ ഭാഗങ്ങളിൽ നിന്നുള്ള ചലച്ചിത്രാസ്വാദകർ ഒരേ ഹൃദയത്തുടിപ്പുമായി തിരശീലക്ക് മുന്നിൽ ഇരിക്കുന്നതും സിനിമയുടെ ഭാവനാലോകം ഓരോ പ്രേക്ഷകനിലേക്കും സുവർണ്ണ ചകോരമായി പറന്നിറങ്ങുന്നതുമാണ് സിഗ്നേച്ചർ ഫിലിമിന്‍റെ പ്രമേയം. രണ്ട് ഗ്രാഫിക് നോവലുകളും ജോഷിയുടെതായി ഉണ്ട്. മൈന്‍ഡ്‌വേ ഡിസൈന്‍ സ്റ്റുഡിയോസാണ് ചിത്രം നിർമിച്ചിരിക്കുന്നത്.
