മുംബൈ: ദംഗലിലൂടെ ബോളിവുഡില്‍ അരങ്ങേറ്റം കുറിക്കുകയും പട്ടാക്ക, ബദായ് ഹോ തുടങ്ങിയ ചിത്രങ്ങളിലൂടെ ബോളിവുഡില്‍ തന്നെ അടയാളപ്പെടുത്തുകയും ചെയ്ത താരമാണ് സാനിയ മല്‍ഹോത്ര. അഭിനയമികവിലൂടെ എന്ന പോലെ തന്നെ തന്‍റെനൃത്തമികവ് കൊണ്ടും ആരാധകരെ സൃഷ്ടിക്കാന്‍ സാനിയക്ക് സാധിച്ചിട്ടുണ്ട്.
തന്‍റെനൃത്ത ജീവിതത്തെ കുറിച്ച് സാനിയ നടത്തിയ വെളിപ്പെടുത്തല്‍ ഇന്ന് സിനിമാ ലോകത്തും ചര്‍ച്ചയാവുകയാണ്. 'ഹ്യൂമന്‍സ് ഓഫ് ബോംബെ' എന്ന ഫെയ്‌സ്ബുക്ക് പേജിലൂടെയാണ് താരം തനിക്ക് നൃത്തത്തോടുള്ള സ്‌നേഹത്തെ കുറിച്ച് മനസ് തുറന്നത്. അഭിനേതാവുന്നതിന് മുമ്പ് സാനിയയുടെ മനസില്‍ കടന്ന് കൂടിയതായിരുന്നു ലോകം അറിയുന്ന നര്‍ത്തകിയാവുക എന്ന മോഹം. ഇതിനായി താരം റിയാലിറ്റി ഷോകളിലും പങ്കെടുത്തിരുന്നു. എന്നാല്‍ തന്റെ‘കഥ’ക്ക്സെന്‍റിമെന്‍റല്‍ വാല്യൂ ഇല്ലെന്ന് പറഞ്ഞ പ്രശസ്തമായൊരു ഡാന്‍സ് റിയാലിറ്റി ഷോയില്‍ നിന്നും പുറത്താക്കിയ കഥയാണ് സാനിയ തുറന്ന്പറഞ്ഞിരിക്കുന്നത്.
- " class="align-text-top noRightClick twitterSection" data="
">
''ഡാന്‍സ് എന്‍റെആത്മാവാണ്. അഭിനേത്രിയാവണമെന്ന ആഗ്രഹത്തോളം തന്നെ. പണ്ട് ഇതിനെ കുറിച്ച് ആരോടും പറഞ്ഞിരുന്നില്ല. കേള്‍ക്കുന്നവര്‍ കളിയാക്കുമെന്ന് കരുതി. അന്ന് കണ്ട വഴിയായിരുന്നു ഡാന്‍സിലൂടെ സിനിമയിലെത്തുക എന്നത്. ഇതിന് വേണ്ടിയാണ് 'ഡാന്‍സ് ഇന്ത്യ ഡാന്‍സ്' റിയാലിറ്റി ഷോയുടെ ഓഡിഷനില്‍ പങ്കെടുക്കുന്നത്. എന്‍റെഡാന്‍സ് അവര്‍ക്കെല്ലാം ഇഷ്ടമായി. എന്നാല്‍ എനിക്ക് മതിയായ, ആളെ പിടിക്കാനുള്ള കഥയില്ലെന്ന് പറഞ്ഞ് അവരെന്നെപുറത്താക്കുകയായിരുന്നു” സാനിയ പറയുന്നു.
എന്നാല്‍ തളര്‍ന്ന് മടങ്ങാന്‍ സാനിയ കൂട്ടാക്കിയില്ല. മുംബൈയില്‍ തന്നെ തുടരാനും അവസരങ്ങള്‍ തേടാനും സാനിയ തീരുമാനിച്ചു.”ഞാന്‍ ഓഡിഷനുകള്‍ തേടിയിറങ്ങി. പക്ഷെ അത് കഠിനമായിരുന്നു. പലപ്പോഴും നിര്‍ത്തി പോകാന്‍ തോന്നി. പതിയെ കാര്യങ്ങളൊക്കെ പഠിച്ചു. കാസ്റ്റിങ് ഡയറക്ടറുമാരുമായി ബന്ധം സ്ഥാപിച്ചു. പരസ്യ ചിത്രങ്ങളിലൊക്കെ അഭിനയിച്ചു'',താരം കൂട്ടിച്ചേര്‍ത്തു.
``അങ്ങനെ ആത്മവിശ്വാസമുണ്ടാക്കി എടുക്കുകയായിരുന്നു. ഇനി എന്നെ തന്നെ സംശയിക്കില്ലെന്ന് ഉറപ്പിച്ചു. കുറച്ച് മാസങ്ങള്‍ക്ക് ശേഷം ദംഗലിന്‍റെഓഡിഷനില്‍ എത്തി” താരം പറയുന്നു.
- " class="align-text-top noRightClick twitterSection" data="
">
ദംഗലില്‍ സാനിയയേക്കാള്‍ പ്രധാന്യം സനയുടെ കഥാപാത്രത്തിനായിരുന്നു. എന്നാല്‍ തന്‍റെകഴിവ് രേഖപ്പെടുത്താന്‍ സാനിയക്ക് സാധിച്ചു. പിന്നീട് വിശാല്‍ ഭരദ്വാജിന്‍റെപട്ടാക്കയിലൂടെ സാനിയ വീണ്ടും ശ്രദ്ധ നേടി. നവാസുദ്ദീന്‍ സിദ്ധിഖിയോടൊപ്പമുള്ള ഫോട്ടോഗ്രാഫാണ് സാനിയയുടേതായി പുറത്തിറങ്ങാനുള്ള പുതിയ ചിത്രം. ഫിലിം ഫെസ്റ്റിവുകളില്‍ മികച്ച അഭിപ്രായം ലഭിച്ചിട്ടുള്ള ചിത്രം ഏറെ പ്രതീക്ഷയോടെയാണ് സിനിമാ പ്രേമികള്‍ കാത്തിരിക്കുന്നത്.
