Alia Bhatt Ranbir Kapoor movie Brahmastra : നാളേറെയായി ആരാധകര്‍ ആകാംഷയോടെ കാത്തിരിക്കുന്ന ബോളിവുഡ്‌ ചിത്രമാണ് ബ്രഹ്മാസ്ത്ര. യഥാര്‍ഥ ജീവിതത്തില്‍ ഒന്നിക്കാനൊരുങ്ങുന്ന താര ജോഡികളായ രണ്‍ബീര്‍ കപൂറും ആലിയ ഭട്ടും ഒന്നിക്കുന്ന ചിത്രത്തിന്‍റെ ഷൂട്ടിംഗ്‌ കൊവിഡ്‌ മഹാമാരിയെ തുടര്‍ന്ന് പലകുറി നീണ്ടു പോയിരുന്നു.
Ayan Mukerji shares Flashes of Time : സൂപ്പര്‍ ഹീറോ ചിത്രമായി ഒരുങ്ങുന്ന ബ്രഹ്‌മാസ്‌ത്രയിലെ തങ്ങളുടെ പുതിയ ചിത്രങ്ങള്‍ക്കായും വിശേഷങ്ങള്‍ക്കായുമുള്ള കാത്തിരിപ്പിലാണ്‌ ആരാധകര്‍. ഇപ്പോഴിതാ ബ്രഹ്‌മാസ്‌ത്രയിലെ ചില ചിത്രങ്ങള്‍ പങ്കുവെച്ച് സംവിധായകന്‍ അയാന്‍ മുഖര്‍ജി രംഗത്തെത്തിയിരിക്കുകയാണ്. 'ഫ്ലാഷസ്‌ ഓഫ്‌ ടൈം' എന്ന അടിക്കുറുപ്പോടെ ഇന്‍സ്‌റ്റഗ്രാമിലൂടെയാണ് അയാന്‍ മുഖര്‍ജി ബ്രഹ്‌മാസ്‌ത്രയിലെ ചിത്രങ്ങള്‍ ആരാധകര്‍ക്കായി പങ്കുവെച്ചത്.
- " class="align-text-top noRightClick twitterSection" data="
">
Amitabh Bachchan Ranbir Kapoor unseen pics in Brahmastra : ഒരു ചിത്രത്തില്‍, മഞ്ഞ് മൂടിയ പര്‍വത നിരകള്‍ക്കിടയില്‍ നിന്നും മുതിര്‍ന്ന താരം അമിതാഭ്‌ ബച്ചനും രണ്‍ബീര്‍ കപൂറിനും നിര്‍ദേശങ്ങള്‍ നല്‍കുന്ന അയാന്‍ മുഖര്‍ജിയെയാണ് കാണാനാവുക.
Ayan Mukerji back in instagram : ഏറെ നാള്‍ക്ക് ശേഷം അയാന്‍ മുഖര്‍ജി ഇന്‍സ്‌റ്റഗ്രാമില്‍ തിരിച്ചെത്തിയതോടെ ആരാധകരും സന്തോഷത്തിലാണ്. 2019 മേയിലാണ് സംവിധായകന്‍ അവസാന പോസ്‌റ്റ്‌ ആരാധകര്‍ക്കായി പങ്കുവെച്ചത്. വാരാണസിയിലെ അവസാന ഷൂട്ടിങ് ദിനങ്ങളുടെ ഒരു മൊന്‍ടേജ്‌ വീഡിയോയിരുന്നു അദ്ദേഹം അവസാനമായി പങ്കുവെച്ചത്. അതിന് മുമ്പ് ശിവയുടെ റോളിനായി തയ്യാറെടുക്കുന്ന രണ്‍ബീര്‍ കപൂറിന്‍റെ ഒരു വീഡിയോയും അദ്ദേഹം പങ്കുവെച്ചിരുന്നു.
Ayan Mukerji's movies : അയാന്‍ മുഖര്‍ജിയുടെ മൂന്നാമത്തെ ചിത്രം കൂടിയാണ് ബ്രഹ്മാസ്ത്ര. രണ്‍ബീര്‍ കപൂര്‍ നായകനായെത്തിയ വേക്ക്‌ അപ് സിദ്, യേഹ്‌ ജവാനി ഹായ്‌ ദീവാനി എന്നിവയാണ് അയാന്‍റെ മറ്റ് ചിത്രങ്ങള്‍.
Brahmastra cast and crew : ആലിയ ഭട്ട്‌ രണ്‍ബീര്‍ കപൂര്‍ എന്നിവരെ കൂടാതെ അമിതാഭ്‌ ബച്ചന്‍, നാഗാര്‍ജുന അക്കിനേനി, മൗനി റോയ്‌ എന്നിവര്‍ പ്രധാന വേഷങ്ങളിലെത്തുന്ന ചിത്രമാണ് ബ്രഹ്മാസ്ത്ര. ഡിംപിള്‍ കപാഡിയയും ചിത്രത്തില്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നു.
Brahmastra release : ഫോക്‌സ്‌ സ്‌റ്റാര്‍ സ്‌റ്റുഡിയോസ്‌, ധര്‍മ പ്രൊഡക്ഷന്‍സ്‌ എന്നിവയുടെ ബാനറില്‍ കരണ്‍ ജോഹര്‍ ആണ് നിര്‍മ്മാണം. ഹുസൈന്‍ ദലാലും അയാന്‍ മുഖര്‍ജിയും ചേര്‍ന്നാണ് തിരക്കഥ. പങ്കജ്‌ കുമാര്‍ ഛായാഗ്രഹണവും നിര്‍വഹിക്കും. ശ്രീകര്‍ പ്രസാദാണ് ചിത്ര സംയോജനം. ഹിന്ദി, മലയാളം, തമിഴ്‌, തെലുങ്ക്‌, കന്നഡ എന്നീ ഭാഷകളിലായാണ് ചിത്രം റിലീസിനെത്തുക.
Also Read : 83 Official Trailer: 1983ലെ ലോകകപ്പ് ചരിത്ര വിജയത്തിന്‍റെ നേര്‍ക്കാഴ്‌ച്ചയുമായി 83; വീഡിയോ വൈറല്‍
