മലപ്പുറം: കാറിൽ കടത്താന്‍ ശ്രമിച്ച പതിനൊന്ന് ലക്ഷം രൂപ പൊലീസ് പിടികൂടി. വാഹനപരിശോധനക്കിടെയാണ് രേഖകളില്ലാത്ത 11,56,250 രൂപ പൊലീസ് പിടിച്ചെടുത്തത്. കുറ്റിപ്പുറം-ചൂണ്ടൽ സംസ്ഥാനപാതയിൽ പന്താവൂരിൽ നിർത്തിയിട്ടിരുന്ന സ്വിഫ്റ്റ് കാറിൽ നിന്നാണ് രേഖകളില്ലാത്ത പണം പൊലീസ് പിടികൂടിയത്. വാഹനം നിർത്തിയിട്ട് ഫോണിൽ സംസാരിച്ചുകൊണ്ടിരിക്കുന്നത് കണ്ട് പൊലീസ് ചോദ്യം ചെയ്യുകയും വാഹനം പരിശോധിക്കുകയും ചെയ്തപ്പോഴാണ് പ്ലാസ്റ്റിക് കവറിൽ സൂക്ഷിച്ച പണം കണ്ടെത്തിയത്. ഞായറാഴ്ച വൈകീട്ട് ഏഴ് മണിയോടെയായിരുന്നു സംഭവം. പണത്തെ കുറിച്ചുള്ള രേഖകൾ ഹാജരാക്കാൻ ഉടമക്ക് കഴിയാതെ വന്നതോടെ കേസെടുക്കുകയും തുക കോടതിയിൽ ഹാജരാക്കുകയുമായിരുന്നെന്ന് എസ്ഐ ടി.ഡി മനോജ് കുമാർ പറഞ്ഞു.
കാറില്‍ കടത്താന്‍ ശ്രമിച്ച 11 ലക്ഷം രൂപ പൊലീസ് പിടികൂടി
