സിന്ധ്: പാകിസ്ഥാനിലെ സിന്ധ് പ്രവിശ്യയിലെ റോഹ്രി റെയില്‍വേ സ്റ്റേഷന് സമീപം ട്രെയിൻ ബസിലിടിച്ച് 30 പേർ കൊല്ലപ്പെട്ടു. 60ഓളം പേർക്ക് പരിക്കേറ്റു. പരിക്കേറ്റവരില്‍ നിരവധി പേർ ഗുരുതരാവസ്ഥയിലാണെന്ന് അധികൃതർ അറിയിച്ചു. റാവല്‍പിണ്ടിയില്‍ നിന്ന് കറാച്ചിയിലേക്ക് പോയ പാകിസ്ഥാൻ എക്സ്പ്രസ് ട്രെയിനാണ് ബസിലിടിച്ചത്.
ഇടിയുടെ ആഘാതത്തില്‍ ബസ് പൂർണമായും തകർന്നു. ട്രെയിന്‍ ദീർഘദൂരം ബലിനെ വലിച്ചിഴച്ച് പോയതായി സുക്കൂർ പൊലീസ് എഐജി ജമീല്‍ അഹമ്മദ് പറഞ്ഞു. 60ല്‍ അധികം ആളുകളെ സുക്കൂർ ആശുപത്രിയിലേക്ക് മാറ്റിയതായും അദ്ദേഹം കൂട്ടിച്ചേർത്തു.
