ജക്കാര്‍ത്ത: ഇന്തോനേഷ്യയിലെ ജക്കാര്‍ത്തയിലുണ്ടായ പ്രളയത്തില്‍ 16 പേര്‍ മരിച്ചു. പ്രളയത്തെ തുടര്‍ന്ന് നിരവധി പേരെ മാറ്റി പാര്‍പ്പിക്കുകയും കുടാതെ തലസ്ഥാനത്തെ വിമാനത്താവളം അടച്ചിടുകയും ചെയ്‌തു. 19000ത്തോളം പേരാണ് വിമാനത്താവളത്തില്‍ കുടുങ്ങി കിടക്കുന്നത്‌.
ദിവസങ്ങളായി പെയ്യുന്ന ശക്തമായ മഴയെ തുടര്‍ന്ന് പലസ്ഥലങ്ങളും വെള്ളത്തില്‍ മുങ്ങി. കൂടാതെ ബോഗോര്‍ , ദീപോക്‌ എന്നീ ജില്ലകളില്‍ മണ്ണിടിച്ചിലുണ്ടായതായും ദേശീയ ദുരന്ത നിവാരണ ഏജന്‍സി വക്താവ്‌ ആഗസ്‌ വിബോവോ പറഞ്ഞു. ജക്കാര്‍ത്തയും പല സമീപ പ്രദേശങ്ങളും വെള്ളത്തിനടിയിലാണെന്നും, 31000 പേരെ താല്‍കാലികമായി സുരക്ഷിത സ്ഥാനത്തേക്ക് മാറ്റിയതായും വിബോവോ വ്യക്തമാക്കി.
