ബ്യൂണസ് അയേഴ്സ്: ഇന്ത്യ പ്രാദേശികമായി നിർമിക്കുന്ന കൊവിഡ് 19 വാക്സിനായ കൊവാക്സിൻ വാങ്ങിയ സമയത്ത് അമിതവില ഈടാക്കിയതായി ആരോപിച്ച് പ്രസിഡന്‍റ് ജെയർ ബോൾസോനാരോയെക്കെതിരെ അന്വേഷണത്തിന് ഉത്തരവിട്ട് ബ്രസീൽ സുപ്രീം കോടതി.
കഴിഞ്ഞയാഴ്ച എസ്റ്റാഡോ ഡി സാവോ പോളോ പത്രം റിപ്പോർട്ട് ചെയ്ത പ്രകാരം 20 ദശലക്ഷം വാക്സിൻ ഡോസുകൾ ഒരു ഡോസിന് 15 ഡോളർ വീതമാണ് സർക്കാർ കരാർ ഒപ്പിട്ടത്.
എന്നാൽ ന്യൂഡൽഹിയിലെ ബ്രസീലിയൻ എംബസിയിൽ നിന്നുള്ള രഹസ്യ സന്ദേശമനുസരിച്ച് ഒരു ഡോസിന്‍റെ യഥാർത്ഥ വില 100 രൂപ (34 1.34) ആയിരുന്നതായി വിവരം ലഭിച്ചു.
Also read: കൊവിഡ് ഉണ്ടോയെന്ന് അറിയാൻ ഇനി ഫെയ്‌സ് മാസ്ക്കും
ഇതിന്‍റെ അടിസ്ഥാനത്തിലാണ് പ്രതിപക്ഷ നിയമസഭാംഗങ്ങൾ അന്വേഷണത്തിനായി ആവശ്യം ഉയർത്തിയത്.
അറ്റോർണി ജനറൽ ഓഫീസിന്‍റെ അഭ്യർഥന അംഗീകരിച്ച് ജസ്റ്റിസ് റോസ വെബർ 90 ദിവസത്തേക്ക് അന്വേഷണം പ്രഖ്യാപിച്ചതായാണ് ഔദ്യോഗിക വെബ്‌സൈറ്റിൽ പറയുന്നത്.
