'കോശിച്ചായന്റെ പറമ്പ്' എന്ന ചിത്രത്തിന് ശേഷം സാജിർ സദഫ് (Saajir Sadaf) സംവിധാനം നിർവഹിക്കുന്ന പുതിയ സിനിമ വരുന്നു. 'പട്ടാപ്പകൽ' (Pattaapakal) എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നു. കൃഷ്ണ ശങ്കർ (Krishna Sankar), സുധി കോപ്പ (Sudhi Koppa), കിച്ചു ടെല്ലസ് (Kichu Tellus), ജോണി ആന്റണി (Johny Antony) രമേഷ് പിഷാരടി (Ramesh Pisharody) എന്നിവരാണ് 'പട്ടാപ്പകലി'ല് പ്രധാന വേഷങ്ങളില് എത്തുന്നത്.
ഒരു കോമഡി എന്റർടെയിനറായി ഒരുക്കിയിരിക്കുന്ന ചിത്രത്തിന്റെ ഏറെ കൗതുകമുണർത്തുന്ന ഫസ്റ്റ് ലുക്ക് പോസ്റ്ററാണ് ഇപ്പോൾ പുറത്തുവന്നിരിക്കുന്നത്. ആന്റണി വർഗീസ്, ലിസ്റ്റിൻ സ്റ്റീഫൻ, ഷൈൻ ടോം ചാക്കോ എന്നിവരുടെ ഫേസ്ബുക്ക് പേജിലൂടെയാണ് ശനിയാഴ്ച പോസ്റ്റർ റിലീസ് ചെയ്തത്. പ്രേക്ഷകരില് ചിരി പടർത്തുന്ന ചിത്രം തന്നെയാകും 'പട്ടാപ്പകൽ' എന്ന സൂചനയാണ് പോസ്റ്റർ നൽകുന്നത്.
- " class="align-text-top noRightClick twitterSection" data="">
ശ്രീ നന്ദനം ഫിലിംസിന്റെ ബാനറിൽ എൻ. നന്ദകുമാറാണ് (N Nandakumar) 'പട്ടാപ്പകൽ' നിർമിക്കുന്നത്. ഗോകുലൻ, രഞ്ജിത്ത് കങ്കോൽ, വിനീത് തട്ടിൽ, ഫ്രാങ്കോ ഫ്രാൻസിസ്, നന്ദൻ ഉണ്ണി, പ്രശാന്ത് മുരളി, രഘുനാഥ്, ഡോ. രഞ്ജിത് കുമാർ, തിരുമല രാമചന്ദ്രൻ, ഗീതി സംഗീത, ആമിന, അഷിക, സന്ധ്യ തുടങ്ങിയവരാണ് ചിത്രത്തില് മറ്റ് കഥാപാത്രങ്ങളായി എത്തുന്നത്.