തമിഴിൽ തിളങ്ങാൻ മലയാളികളുടെ പ്രിയതാരം നിവിൻ പോളി. റാം സംവിധാനം ചെയ്യുന്ന 'യേഴ് കടൽ യേഴ് മലൈ' സിനിമയിലാണ് നിവിൻ കേന്ദ്ര കഥാപാത്രത്തെ അവതരിപ്പിക്കുന്നത് (Nivin Pauly with Tamil film Yezhu Kadal Yezhu Malai). ഇപ്പോഴിതാ സിനിമയുടെ ഏറ്റവും പുതിയ അപ്‌ഡേഷൻ പുറത്തു വന്നിരിക്കുകയാണ്.
'യേഴ് കടൽ യേഴ് മലൈ' ചിത്രത്തിന്‍റെ ഗ്ലിംപ്‌സ് വീഡിയോ സംബന്ധിച്ചാണ് അണിയറ പ്രവർത്തകരുടെ അറിയിപ്പ്. വീഡിയോ ജനുവരി 2ന് പുറത്തുവിടുമെന്നാണ് അണിയറക്കാർ അറിയിച്ചിരിക്കുന്നത് (Yezhu Kadal Yezhu Malai's Glimpse release on January 2). വി ഹൗസ് പ്രൊഡക്ഷൻസിന്‍റെ ബാനറിൽ സുരേഷ് കാമാച്ചിയാണ് ഈ സിനിമയുടെ നിർമാണം.
തമിഴിലെ ബ്ലോക്ക്ബസ്റ്റർ ചിത്രം 'മാനാടി'ന് ശേഷം സുരേഷ് കാമാച്ചി നിർമിച്ച സിനിമയാണ് 'യേഴ് കടൽ യേഴ് മലൈ'. അന്താരാഷ്ട്ര ചലച്ചിത്ര മേളയായ റോട്ടർഡാമിൽബിഗ് സ്‌ക്രീൻ കോംപറ്റീഷൻ എന്ന മത്സര വിഭാഗത്തിലേക്ക് ഔദ്യോഗികമായി തെരഞ്ഞെടുക്കപ്പെട്ട സിനിമ കൂടിയാണ് 'യേഴ് കടൽ യേഴ് മലൈ' (Yezhu Kadal Yezhu Malai selected to International Film Festival Rotterdam’s Big Screen Competition category). ബിഗ് ബജറ്റിൽ ഒരുക്കിയിരിക്കുന്ന ഈ ചിത്രത്തിന്‍റെ തിയേറ്റർ റിലീസിനായി ഏറെ പ്രതീക്ഷയോടെയാണ് നിവിൻ ആരാധകർ കാത്തിരിക്കുന്നത്.
ALSO READ: നിവിന്‍ പോളിയുടെ ഏഴു കടൽ ഏഴു മലൈ റോട്ടർഡാം ഫിലിം ഫെസ്‌റ്റിവലിൽ
ദേശീയ അവാർഡ് ജേതാവായ റാം 'പേരൻപ്', 'തങ്കമീൻകൾ', 'കട്രത് തമിഴ്', 'തരമണി' എന്നീ ചിത്രങ്ങൾക്ക് ശേഷം സംവിധാനം നിർവഹിക്കുന്ന സിനിമയെന്ന നിലയിലും 'യേഴ് കടൽ യേഴ് മലൈ'യുടെ പ്രതീക്ഷകൾ വാനോളമാണ്. 2021 ഒക്ടോബറിലാണ് സിനിമയുടെ ചിത്രീകരണം ആരംഭിച്ചത്. ഹിറ്റ് സംഗീത സംവിധായകൻ യുവൻ ശങ്കർ രാജയാണ് ഈ ചിത്രത്തിന് സംഗീതം പകരുന്നത്.
അഞ്ജലിയാണ് 'യേഴ് കടൽ യേഴ് മലൈ' ചിത്രത്തിലെ നായിക. തമിഴ് നടൻ സൂരിയും ഈ ചിത്രത്തിൽ മുഖ്യ വേഷത്തിലെത്തുന്നുണ്ട്. എൻ കെ ഏകാംബരം ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റർ മതി വി എസ് ആണ്. ദേശീയ അവാര്‍ഡ് ജേതാവായ പട്ടണം റഷീദ് ആണ് മേക്കപ്പ്.
കോസ്റ്റ്യൂം : ചന്ദ്രക്കാന്ത് സോനവാനെ, പ്രൊഡക്ഷൻ ഡിസൈനർ : ഉമേഷ് ജെ കുമാർ, ആക്ഷൻ : സ്റ്റണ്ട് സിൽവ, കൊറിയോഗ്രഫി : സാൻഡി, പിആർഒ : ശബരി എന്നിവരാണ് ഈ ചിത്രത്തിലെ മറ്റ് അണിയറ പ്രവർത്തകർ.
അതേസമയം മലയാള ചിത്രം 'രാമചന്ദ്രബോസ് ആന്‍ഡ് കോ' ആണ് നിവിൻ പോളിയുടേതായി ഏറ്റവും ഒടുവില്‍ തിയേറ്ററുകളില്‍ എത്തിയത് (Ramachandra Boss And Co). ഹനീഫ് അദേനി (Haneef Adeni) സംവിധാനം ചെയ്‌ത ഈ ചിത്രം ഒരു കൊളളയുടെയും കൊള്ളക്കാരൻ്റെയും കഥയാണ് പറഞ്ഞത്. ഒരു പക്കാ ഫാമിലി എൻ്റര്‍ടെയിനറായാണ് 'രാമചന്ദ്രബോസ് ആന്‍ഡ് കോ' തിയേറ്ററുകളില്‍ എത്തിയത്.
READ MORE: Nivin Pauly Ramachandra Boss And Co രാമചന്ദ്രബോസിനെയും കൊള്ള സംഘത്തെയും ഏറ്റെടുത്ത് പ്രേക്ഷകര്‍
