ബീസ്‌റ്റിന്‍റെ പ്രദര്‍ശനം നിരോധിക്കണമെന്ന്‌ മുസ്‌ലിം ലീഗ്‌

Muslim League against Beast Release: ബീസ്‌റ്റി'നെതിരെ മുസ്‌ലിം ലീഗ്‌. ബീസ്‌റ്റി'ന്‍റെ പ്രദര്‍ശനം തമിഴ്‌നാട്ടില്‍ നിരോധിക്കണമെന്നാവശ്യപ്പെട്ട്‌ മുസ്‌ലിം ലീഗ്‌ രംഗത്ത്.

Muslim League against Beast Release: ആരാധകര്‍ നാളേറെയായി അക്ഷമരായി കാത്തിരിക്കുന്ന വിജയ്‌ ചിത്രം 'ബീസ്‌റ്റി'നെതിരെ മുസ്‌ലിം ലീഗ്‌. മുസ്‌ലിം തീവ്രവാദം പറയുന്നുവെന്ന്‌ ചൂണ്ടിക്കാട്ടി കഴിഞ്ഞ ദിവസം കുവൈറ്റ്‌ സര്‍ക്കാര്‍ ചിത്രത്തിന് വിലക്കേര്‍പ്പെടുത്തിയിരുന്നു. ഇപ്പോഴിതാ 'ബീസ്‌റ്റി'ന്‍റെ പ്രദര്‍ശനം തമിഴ്‌നാട്ടില്‍ നിരോധിക്കണമെന്നാവശ്യപ്പെട്ട്‌ മുസ്‌ലിം ലീഗ്‌ രംഗത്തെത്തിയിരിക്കുകയാണ്.

Muslim League need to ban Beast: തമിഴ്‌നാട്‌ മുസ്‌ലിം ലീഗ്‌ പാര്‍ട്ടി നേതാവ്‌ വി.എം.എസ്‌ മുസ്‌തഫയാണ് ചിത്രം തമിഴ്‌നാട്ടില്‍ നിരോധിക്കണമെന്നാവശ്യപ്പെട്ട്‌ രംഗത്തെത്തിയത്‌. ഇക്കാര്യം ആവശ്യപ്പെട്ട്‌ മുസ്‌തഫ സംസ്ഥാന ആഭ്യന്തര സെക്രട്ടറി എസ്‌.കെ.പ്രഭാകറിന് കത്തു നല്‍കി. 'ബീസ്‌റ്റി'ല്‍ മുസ്‌ലിം മതവിശ്വാസികളെ തീവ്രവാദികളായി ചിത്രീകരിച്ചിട്ടുണ്ടെന്നാണ് ആരോപണം.

Kuwait bans Beast: ബോംബാക്രമണത്തിനും വെടിവയ്പ്പുകള്‍ക്കും പിന്നില്‍ മുസ്‌ലിങ്ങള്‍ മാത്രമാണെന്ന തരത്തില്‍ സിനിമകള്‍ വളച്ചൊടിക്കപ്പെടുന്നത്‌ ഖേദകരമാണെന്ന്‌ കത്തില്‍ പരാമര്‍ശിച്ചു. 'ബീസ്‌റ്റ്‌' പ്രദര്‍ശനത്തിനെത്തിയാല്‍ അത്‌ അസാധാരണ സാഹചര്യത്തിലേക്ക്‌ നയിക്കുമെന്നും കത്തില്‍ പറയുന്നു. 'ബീസ്‌റ്റ്‌' കുവൈത്തില്‍ നിരോധിച്ച കാര്യവും കത്തില്‍ പരാമര്‍ശിക്കുന്നുണ്ട്‌.

Beast release: 'മാസ്‌റ്ററി'ന്‌ ശേഷമുള്ള വിജയ്‌ ചിത്രമാണ് 'ബീസ്‌റ്റ്‌'. വിജയ്‌-നെല്‍സണ്‍ ദിലീപ്‌ കുമാര്‍ കൂട്ടുകെട്ടിലൊരുങ്ങുന്ന ചിത്രം ഏപ്രില്‍ 13നാണ് തിയേറ്ററുകളിലെത്തുക. നേരത്തെ ഏപ്രില്‍ 14നാണ് 'ബീസ്‌റ്റ്‌' റിലീസ്‌ നിശ്ചയിച്ചിരുന്നത്‌. എന്നാല്‍ യാഷിന്‍റെ കെജിഎഫും അതേ ദിവസം റിലീസ്‌ ചെയ്യുന്നതിനാല്‍ 'ബീസ്‌റ്റ്‌' ഒരു ദിവസം മുമ്പ്‌ റിലീസ്‌ ചെയ്യാന്‍ സംവിധായകന്‍ നെല്‍സണ്‍ ദിലീപ്‌ കുമാറും സംഘവും തീരുമാനിക്കുകയായിരുന്നു. അതേസമയം വിജയുടെ കട്ടൗട്ടുകളില്‍ പാലഭിഷേകം നടത്തി പാല്‍ പാഴാക്കാനിടയുള്ളതിനാല്‍ 'ബീസ്‌റ്റി'ന്‍റെ പ്രത്യേക പ്രദര്‍ശനം അനുവദിക്കരുതെന്ന്‌ തമിഴ്‌നാട്‌ മില്‍ക്ക്‌ ഫെഡറേഷന്‍ നേരത്തെ ആവശ്യപ്പെട്ടിരുന്നു.

Vijay remuneration 100 crores: 'ബീസ്‌റ്റി'നായി വിജയ്‌ തന്‍റെ പ്രതിഫലം വര്‍ധിപ്പിച്ചതായി നേരത്തെ റിപ്പോര്‍ട്ടുകളുണ്ടായിരുന്നു. 'ബീസ്‌റ്റി'നായി താരത്തിന്‍റെ പ്രതിഫലം 100 കോടി രൂപയെന്നാണ് മാധ്യമ റിപ്പോര്‍ട്ടുകള്‍. ചിത്രത്തിന്‍റെ ബജറ്റിന്‍റെ ഇരട്ടിയിലേറെയാണ് ഈ തുകയെന്നാണ് സൂചന.

Vijay 65th movie: വിജയുടെ 65ാമത്‌ ചിത്രം കൂടിയാണ്‌ 'ബീസ്‌റ്റ്‌'. അടുത്തിടെ വന്‍ വിജയം നേടിയ ശിവകാര്‍ത്തികേയന്‍ ചിത്രം 'ഡോക്‌ടറി'ന്‌ ശേഷം നെല്‍സണ്‍ ദിലീപ്‌ കുമാര്‍ സംവിധാനം ചെയ്യുന്ന ചിത്രമായതിനാല്‍ ഏറെ പ്രതീക്ഷയാണ് ആരാധകര്‍ക്ക്‌. പൂജ ഹെഗ്‌ഡെ ആണ് ചിത്രത്തില്‍ നായിക കഥാപാത്രത്തെ അവതരിപ്പിക്കുന്നത്‌. വിജയ്‌ക്കൊപ്പമുള്ള പൂജയുടെ ആദ്യ ചിത്രം കൂടിയാണ് 'ബീസ്‌റ്റ്'. ഒന്‍പത്‌ വര്‍ഷത്തിന് ശേഷം പൂജ ഹെഗ്‌ഡെ ചെയ്യുന്ന തമിഴ്‌ ചിത്രം കൂടിയാണിത്.

Beast cast and crew: മലയാളി താരങ്ങളായ ഷൈന്‍ ടോം ചാക്കോയും അപര്‍ണ ദാസും ചിത്രത്തില്‍ സുപ്രധാന വേഷത്തിലെത്തുന്നുണ്ട്‌. ഷൈന്‍ ഇതാദ്യമായാണ് ഒരു തമിഴ്‌ ചിത്രത്തില്‍ അഭിനയിക്കുന്നത്‌. സംവിധായകന്‍ ശെല്‍വരാഘവനും ചിത്രത്തില്‍ വേഷമിടുന്നു. ചിത്രത്തില്‍ മൂന്ന്‌ പ്രതിനായകന്‍മാരാണുള്ളത്‌.

സണ്‍ പിക്‌ചേഴ്‌സിന്‍റെ ബാനറില്‍ കലാനിധി മാരനാണ് നിര്‍മാണം. സണ്‍ പിക്‌ചേഴ്‌സുമായി ചേര്‍ന്നുള്ള വിജയുടെ നാലാമത്തെ ചിത്രമാണ് 'ബീസ്‌റ്റ്‌'. 'വേട്ടയ്‌ക്കാരന്‍', 'സുറ', 'സര്‍ക്കാര്‍' എന്നിവയാണ് സണ്‍ പിക്‌ചേഴ്‌സുമായി ചേര്‍ന്നുള്ള മറ്റ്‌ വിജയ്‌ ചിത്രങ്ങള്‍. സംവിധായകന്‍ നെല്‍സന്‍ തന്നെയാണ് രചനയും നിര്‍വഹിക്കുന്നത്‌. മനോജ്‌ പരമഹംസയാണ് ഛായാഗ്രഹണം. അനിരുദ്ധ്‌ രവിചന്ദര്‍ ആണ് സംഗീതം.