Anoop Sathyan next movie with Mohanlal : 'വരനെ ആവശ്യമുണ്ട്' എന്ന സിനിമയ്‌ക്ക് ശേഷം പുതിയ ചിത്രവുമായി സത്യന്‍ അന്തിക്കാടിന്‍റെ മകന്‍ അനൂപ് സത്യന്‍. മോഹന്‍ലാലാണ് നായകന്‍. അനൂപിന്‍റെ സഹോദരന്‍ അഖില്‍ സത്യനാണ് ഇക്കാര്യം വെളിപ്പെടുത്തിയിരിക്കുന്നത്. ഫേസ്‌ബുക്കിലൂടെയായിരുന്നു അറിയിപ്പ്.
Akhil Sathyam shares hints to Anoop movie: ഇന്ത്യയിലെ ഏറ്റവും മികച്ച അഭിനേതാക്കളില്‍ ഒരാള്‍ സിനിമയില്‍ ഉണ്ടെന്നും അഖില്‍ കുറിച്ചു. 'അനൂപ് ഒരു രസകരമായ വലിയ ചിത്രവുമായി വരുന്നുണ്ട്‌. കംപ്ലീറ്റ് ആക്‌ടറിനൊപ്പം ഇന്ത്യയിലെ തന്നെ മികച്ച അഭിനേതാവിനെ ചിത്രത്തിലേയ്‌ക്ക് കാസ്‌റ്റ്‌ ചെയ്യാനാണ് അവന്‍ ഉദ്ദേശിക്കുന്നത്‌' - അഖില്‍ കുറിച്ചു. ആശിര്‍വാദ്‌ ഫിലിംസിന്‍റെ ബാനറില്‍ ആന്‍റണി പെരുമ്പാവൂരാണ് നിര്‍മാണം.
Mohanlal in Olavum Theeravum: അതേസമയം മോഹന്‍ലാലിനെ കേന്ദ്രകഥാപാത്രമാക്കി പ്രിയദര്‍ശന്‍ സംവിധാനം ചെയ്യുന്ന 'ഓളവും തീരവും' എന്ന ചിത്രത്തില്‍ അഭിനയിച്ച് കൊണ്ടിരിക്കുകയാണിപ്പോള്‍ മോഹന്‍ലാല്‍. എം.ടി വാസുദേവന്‍ നായരുടെ കഥകളെ ആസ്‌പദമാക്കി നെറ്റ്‌ഫ്ലിക്‌സിന് വേണ്ടി ഒരുക്കുന്ന ആന്തോളജിയുടെ ഭാഗമാണ്‌ ഈ ചിത്രം.
Also Read: കനത്ത മഴയത്ത് കുത്തിയൊലിക്കുന്ന പുഴയില്‍ ഒറ്റയ്‌ക്ക് ചങ്ങാടം തുഴഞ്ഞ് മോഹന്‍ലാല്‍ ; വീഡിയോ
Anoop Sathyan debut movie : അനൂപ് സത്യന്‍ സംവിധാനം ചെയ്‌ത ആദ്യ ചിത്രമാണ് ദുല്‍ഖര്‍ സല്‍മാന്‍ നായകനായെത്തിയ 'വരനെ ആവശ്യമുണ്ട്'. ദുല്‍ഖര്‍, കല്യാണി പ്രിയദര്‍ശന്‍, സുരേഷ്‌ ഗോപി, ശോഭന തുടങ്ങിയവര്‍ പ്രധാന വേഷങ്ങളിലെത്തിയ ചിത്രം വലിയ വിജയം നേടിയിരുന്നു. ഏറെ നാളുകള്‍ക്ക് ശേഷം സുരേഷ്‌ ഗോപിയും ശോഭനയും ഒന്നിച്ച സിനിമ കൂടിയായിരുന്നു ഇത്.
