യൂട്യൂബില്‍ തരംഗമായി അജിത്തിന്‍റെ 'തുനിവി'ലെ 'ഗാങ്‌സ്‌റ്റാ' ഗാനം. അജിത്ത് ആരാധകര്‍ നാളേറെയായി ആകാംഷയോടെ കാത്തിരിക്കുന്ന ചിത്രമാണ് 'തുനിവ്'. ആരാധകര്‍ക്ക് ക്രിസ്‌മസ് സമ്മാനമായാണ് ചിത്രത്തിലെ ലിറിക്കല്‍ വീഡിയോ ഗാനം അണിയറപ്രവര്‍ത്തകര്‍ പുറത്തുവിട്ടത്. സൂപ്പര്‍താര സിനിമയിലെ 'ഗാങ്‌സ്‌റ്റാ' എന്ന ഗാനമാണ് പുറത്തിറങ്ങിയത്.
റിലീസ് ചെയ്‌ത് നിമിഷ നേരം കൊണ്ട് ഗാനം വൈറലായി. അജിത്തിന്‍റെ ഈ 'ഗാങ്‌സ്‌റ്റാ' ഗാനം പ്രേക്ഷകര്‍ ഏറ്റെടുത്തു. യൂട്യൂബ് ട്രെന്‍ഡിങിലും പാട്ട് ഇടംപിടിച്ചു. യൂട്യൂബ് ട്രെന്‍ഡിങില്‍ 28-ാമതാണ് 'ഗാങ്‌സ്‌റ്റാ' ഗാനം.
ശാബിര്‍ സുല്‍ത്താന്‍, ഗിബ്രാന്‍ എന്നിവര്‍ ചേര്‍ന്നാണ് ഈ തകര്‍പ്പന്‍ ഗാനം ആലപിച്ചിരിക്കുന്നത്. ശാബിര്‍ സുല്‍ത്താന്‍, വിവേക എന്നിവരുടെ വരികള്‍ക്ക് ഗിബ്രാന്‍ ആണ് സംഗീതം.
- " class="align-text-top noRightClick twitterSection" data="">
ആക്ഷന്‍ ത്രില്ലറായി ഒരുങ്ങുന്ന സിനിമയില്‍ മഞ്ജു വാര്യര്‍ ആണ് നായിക. വീര സമുദ്രക്കനി, ജോണ്‍ കൊക്കെന്‍, തെലുഗു നടന്‍ അജയ്‌ തുടങ്ങിയവരും സുപ്രധാന വേഷങ്ങളിലെത്തുന്നുണ്ട്. എച്ച് വിനോദ് ആണ് സംവിധാനം.
'നേര്‍കൊണ്ട പാര്‍വൈ', 'വലിമൈ' എന്നീ സിനിമകള്‍ക്ക് ശേഷം അജിത്ത് കുമാറും എച്ച് വിനോദും വീണ്ടും ഒന്നിക്കുന്ന ചിത്രമാണ് 'തുനിവ്'. നീരവ് ഷാ ഛായാഗ്രഹണവും വിജയ് വേലുക്കുട്ടി എഡിറ്റിംഗും നിര്‍വഹിക്കും. പൊങ്കല്‍ റിലീസായാണ് സിനിമ പ്രേക്ഷകര്‍ക്ക് മുമ്പിലെത്തുക.
Also Read: 'കാസേത്താന്‍ കടവുള്‍ഡാ' പണപാട്ട് വൈറല്‍; അജിത്തിനൊപ്പം ചുവടുവച്ച് മഞ്ജു വാര്യര്‍
