Manju Warrier shares Thunivu stills: തെന്നിന്ത്യന്‍ സൂപ്പര്‍ താരം അജിത് കുമാറിന്‍റെ 'തുനിവ്' റിലീസിനൊരുങ്ങുകയാണ്. പൊങ്കല്‍ റിലീസായാണ് ചിത്രം തിയേറ്ററുകളിലെത്തുക. സിനിമയിലെ താരത്തിന്‍റെ ഗംഭീര ഗെറ്റപ്പുകളാണ് സോഷ്യല്‍ മീഡിയയിലടക്കം ചര്‍ച്ചയാവുന്നത്. 'തുനിവു'മായി ബന്ധപ്പെട്ട് പുതിയ അപ്‌ഡേറ്റുകള്‍ പുറത്തുവന്നിരിക്കുകയാണ്.
Thunivu stills viral: മലയാളത്തിന്‍റെ ലേഡി സൂപ്പര്‍സ്‌റ്റാര്‍ മഞ്ജു വാര്യര്‍ സോഷ്യല്‍ മീഡിയയിലൂടെ 'തുനിവി'ലെ പുതിയ സ്‌റ്റില്ലുകള്‍ പങ്കുവച്ചിരിക്കുകയാണ്. 'ധൈര്യമില്ലെങ്കില്‍ പ്രതാപവുമില്ല' എന്ന അടിക്കുറിപ്പോടു കൂടിയാണ് താരം ചിത്രങ്ങള്‍ പോസ്‌റ്റ് ചെയ്‌തത്. 'തുനിവി'ലെ സ്‌റ്റില്ലുകളില്‍ സ്റ്റൈലിഷ് ലുക്കുകളിലാണ് മഞ്ജു വാര്യരും അജിത്തും പ്രത്യക്ഷപ്പെട്ടിരിക്കുന്നത്.
John Kokken in Thunivu: ജോണ്‍ കൊക്കനും സുപ്രധാന വേഷത്തിലെത്തും. അജിത്തിന്‍റെ പ്രതിനായകനായാണ് ജോണ്‍ കൊക്കന്‍ ചിത്രത്തില്‍ പ്രത്യക്ഷപ്പെടുക. 'കെജിഎഫ്', 'സര്‍പ്പട്ട പരമ്പരൈ' തുടങ്ങിയ സിനിമകളിലൂടെ ശ്രദ്ധേയനാണ് ജോണ്‍ കൊക്കന്‍.
Once again Ajith Kumar with H Vinod: ആക്ഷന്‍ ത്രില്ലറായാണ് 'തുനിവ്' ഒരുങ്ങുന്നത്. എച്ച് വിനോദ് ആണ് സംവിധാനം. 'നേര്‍ക്കൊണ്ട പാര്‍വൈ', 'വലിമൈ' എന്നീ സിനിമകള്‍ക്ക് ശേഷം എച്ച് വിനോദും അജിത്തും വീണ്ടും ഒന്നിക്കുന്ന ചിത്രം കൂടിയാണ് 'തുനിവ്'. 'വലിമൈ' ആണ് അജിത്തിന്‍റേതായി ഏറ്റവും ഒടുവില്‍ തിയേറ്ററുകളിലെത്തിയ ചിത്രം.
