കോട്ടയം: കൂരേപ്പാടത്ത് വൈദികന്‍റെ വീട്ടില്‍ നിന്ന് മോഷണം പോയ 50 പവനില്‍ 20 പവന്‍ സ്വര്‍ണം തിരികെ കിട്ടി. കൂരേപ്പാടത്ത് ചെന്നാമറ്റം ഇലപ്പനാല്‍ ഫാദര്‍ ജേക്കബ് നൈനാന്‍റെ വീട്ടില്‍ നിന്ന് മോഷണം പോയ സ്വര്‍ണമാണ് തിരികെ ലഭിച്ചത്. വീടിന് സമീപത്ത് നിന്നുമാണ് ആഭരണങ്ങള്‍ ലഭിച്ചത്.
മോഷണം കഴിഞ്ഞ് മോഷ്‌ടാവ് തിരികെ പോയപ്പോള്‍ താഴെ വീണുപോയതാകാമെന്നാണ് കരുതുന്നത്. ചൊവ്വാഴ്‌ച(09.08.2022) വൈകുന്നേരം വീട്ടില്‍ ആളില്ലാത്ത സമയത്താണ് മോഷണം നടന്നത്. അലമാര കുത്തി തുറന്ന് 50ലധികം പവന്‍ സ്വര്‍ണവും പണവുമാണ് കവര്‍ന്നത്.
വീടിന്‍റെ അടുക്കള വാതില്‍ കുത്തി തുറന്നാണ് മോഷ്‌ടാവ് അകത്ത് കയറിയത്. വീട് മുഴുവന്‍ മുളക് പൊടി വിതറിയാണ് മോഷ്‌ടാക്കള്‍ തിരികെ പോയിട്ടുള്ളത്. പാമ്പാടി പൊലീസ് സ്ഥലത്തെത്തി പരിശോധന നടത്തി. അന്വേഷണം ആരംഭിച്ചു.
also read: ഹെല്‍മെറ്റ് ധരിച്ചെത്തിയ മോഷ്‌ടാവ് വീട്ടമ്മയുടെ വാ പൊത്തി താലി കവര്‍ന്നു, വീഡിയോ പുറത്ത്
