ആയുധം കൈയിലേന്തി ഘോഷയാത്ര: വി.എച്ച്.പി വനിത പ്രവർത്തകർക്കെതിരെ കേസ്

വിശ്വഹിന്ദു പരിഷത്ത് സംഘടിപ്പിച്ച വിദ്യാവാഹിനി പഠനശിബിരത്തിനോട് അനുബന്ധിച്ച് നടന്ന ഘോഷയാത്രയിൽ ആയുധങ്ങൾ കൈയിലേന്തി പൊതുനിരത്തിൽ ഇറങ്ങി എന്ന പേരിലാണ് കേസ്

തിരുവനന്തപുരം: കീഴാരൂരിൽ മതവിദ്വേഷം വളർത്തുന്ന തരത്തിൽ പരിപാടി സംഘടിപ്പിച്ച വനിത പ്രവർത്തകർക്കെതിരെ പൊലീസ് കേസെടുത്തു. വിശ്വഹിന്ദു പരിഷത്ത് സംഘടിപ്പിച്ച വിദ്യാവാഹിനി പഠനശിബിരത്തിനോട് അനുബന്ധിച്ച് നടന്ന ഘോഷയാത്രയിൽ ആയുധം കൈയിലേന്തി പൊതുനിരത്തിൽ ഇറങ്ങി എന്ന പേരിലാണ് കേസ്.

കഴിഞ്ഞ മെയ് 15ന് ആരംഭിച്ച പഠനശിബിരം 22നാണ് സമാപിച്ചത്. 22-ാം തിയതിയാണ് കേസിനാസ്‌പദമായ സംഭവം നടന്നത്. ആര്യൻകോട് പൊലീസാണ് കണ്ടാലറിയാവുന്ന ഇരുന്നൂറോളം വനിത പ്രവർത്തകർക്കെതിരെ കേസെടുത്തത്.