എറണാകുളം: കൊച്ചിയിൽ ട്രാൻസ്ജെൻഡർ തൂങ്ങി മരിച്ച നിലയില്‍ കണ്ടെത്തി. നടിയും മോഡലുമായ ഷെറിൻ സെലിൻ മാത്യൂസാണ് (27) മരിച്ചത്. ചൊവ്വാഴ്‌ച രാവിലെ ചക്കരപറമ്പിലെ ലോഡ്‌ജ് മുറിയിലാണ് മൃതദേഹം കണ്ടെത്തിയത്.
ആത്മഹത്യയാണെന്നാണ് പ്രാഥമിക നിഗമനം. പാലാരിവട്ടം പൊലീസ് അസ്വാഭാവിക മരണത്തിന് കേസെടുത്തു. ഷെറിന്‍റെ ഫോൺ രേഖകൾ ഉൾപ്പടെ പരിശോധിച്ച് അന്വേഷണം നടത്തും.
പ്രാഥമിക അന്വേഷണത്തിന് ശേഷമേ മരണത്തിൽ ദുരൂഹതയുണ്ടോയെന്ന് പറയാൻ കഴിയുകയുള്ളൂവെന്ന് പൊലീസ് അറിയിച്ചു. ഇൻക്വസ്റ്റ് ഉൾപ്പടെയുള്ള തുടർ നടപടികൾ സ്വീകരിച്ചിട്ടുണ്ട്. ആലപ്പുഴ കുട്ടനാട് സ്വദേശിയായ ഷെറിൻ ദീർഘനാളായി കൊച്ചിയിലാണ് താമസം.
