നീരവ്​ മോദിയുടെ ആഡംബര കാറുകൾ ലേലത്തിന്​

എൻഫോഴ്​സ്മെന്‍റെ് ഡയറക്​ടറേറ്റ് കഴിഞ്ഞ വർഷം​ കണ്ടുകെട്ടിയ 13ഓളം കാറുകളാണ് ലേലത്തിൽ വെച്ചിരിക്കുന്നത്.

ന്യൂഡല്‍ഹി: പ​ഞ്ചാ​ബ്​ നാ​ഷ​ന​ൽ ബാ​ങ്കി​ൽ നി​ന്ന് 14,000​ കോ​ടി രൂപ വാ​യ്​​പ​യെ​ടു​ത്ത് ല​ണ്ട​നിലേ​ക്ക്​​ മു​ങ്ങി​യ വ​ജ്ര വ്യാ​പാ​രി നീ​ര​വ്​ മോ​ദിയുടെ ആഡംബര കാറുകൾ ഓൺലൈനിൽ ലേലത്തിന് വെക്കും. നീരവ്​ മോദിയുടെ വസതിയിലടക്കം മൂന്നിടങ്ങളിലായി പാർക്ക്​ ചെയ്​തിരുന്ന 13ഓളം കാറുകൾ​ എൻഫോഴ്​സ്മെന്‍റെ് ഡയറക്​ടറേറ്റ് കഴിഞ്ഞ വർഷം​ കണ്ടുകെട്ടിയിരുന്നു​. ഈ കാറുകളാണ് ലേലത്തിൽ വെച്ചിരിക്കുന്നത്. അഞ്ച്​ കോടിയിലധികം വിലയുള്ള റോൾസ്​ റോയ്​സ്​ ഗോസ്റ്റും ലേലത്തിന്​ വെച്ചിട്ടുണ്ടെന്നതാണ്​ റിപ്പോർട്ടുകൾ. മെഴ്​സിഡസ്​ ബെൻസ്​ എസ്​.യു.വി, പോർഷെ, ജാഗ്വാർ തുടങ്ങിയ കാറുകളും ലേലത്തിനുണ്ട്​. മെറ്റൽ സ്​ക്രാപ്​ ട്രേഡ്​ കോർപറേഷനാണ്​ ഓൺലൈൻ ലേലം സംഘടിപ്പിക്കുന്നത്​. നേരത്തെ നീരവ്​ മോദിൽ നിന്നും പിടിച്ചെടുത്ത 68ഓളം ചിത്രങ്ങളും ശിൽപ്പങ്ങളും ലേലത്തിൽ വിറ്റഴിച്ചിരുന്നു.