യുവതിയെ ചെരുപ്പ് മാല അണിയിച്ച് ഭർത്താവിനെ തോളിലിരുത്തി നടത്തിച്ചു; സംഭവം വിവാഹേതര ബന്ധം ആരോപിച്ച്

വിവാഹേതര ബന്ധം ആരോപിച്ചാണ് യുവതിയെ ആൾക്കൂട്ടം മർദിച്ചത്

ദേവാസ് (മധ്യപ്രദേശ്): വിവാഹേതര ബന്ധം ആരോപിച്ച് യുവതിയെ ആൾക്കൂട്ടം മർദിച്ചു. തുടർന്ന് യുവതിയെ ചെരുപ്പ് മാല അണിയിച്ച് ഭർത്താവിനെ തോളിലിരുത്തി നടത്തിച്ചു. മധ്യപ്രദേശിലെ ദേവാസ് ജില്ലയിലെ ബോർപദാവ് ഗ്രാമത്തിലാണ് സംഭവം.

സംഭവത്തിൽ 11 പേർക്ക് എതിരെയും മറ്റ് അജ്ഞാതർക്ക് എതിരെയും പൊലീസ് കേസെടുത്തതായി ദേവാസ് ഡെപ്യൂട്ടി പൊലീസ് സൂപ്രണ്ട് പറഞ്ഞു.