ന്യൂഡൽഹി: വയനാട് ജില്ലയിലെ മുട്ടിൽ നിന്ന് ഈട്ടി മരങ്ങൾ വെട്ടിമാറ്റിയത് സംബന്ധിച്ച വിഷയത്തിൽ കേന്ദ്ര പരിസ്ഥിതി മന്ത്രി പ്രകാശ് ജാവദേക്കർ റിപ്പോർട്ട് തേടിയെന്ന് വിദേശകാര്യ സഹമന്ത്രി വി. മുരളീധരൻ മാധ്യമ പ്രവർത്തകരോട് പറഞ്ഞു. ഇക്കാര്യത്തിൽ ഇടപെടണമെന്ന് ആവശ്യപ്പെട്ട് മുരളീധരൻ ജാവദേക്കറോട് സന്ദർശിച്ചിരുന്നു. കഴിഞ്ഞ വർഷം സംസ്ഥാന സർക്കാർ പുറപ്പെടുവിച്ച ഉത്തരവിന്‍റെ മറവിലാണ് മരങ്ങൾ കൊള്ളയടിച്ചതെന്ന് അദ്ദേഹം ആരോപിച്ചു.
എൽഡിഎഫ് നേതാക്കളുടെ പൂർണ സമ്മതത്തോടെയാണ് വനം കൊള്ള നടന്നതെന്നും രണ്ട് മുൻ മന്ത്രിമാരുടെ പങ്ക് അന്വേഷിക്കണമെന്നും സംഭവത്തിൽ സമഗ്ര അന്വേഷണം വേണമെന്നും മുരളീധരൻ ആവശ്യപ്പെട്ടു.
Also Read: കാട്ടിലെ തടി തേവരുടെ ആന, മുറിച്ച് കടത്താൻ സർക്കാർ ഓർഡറും
പ്രതികളെ സർക്കാർ സംരക്ഷിക്കുകയാണെന്ന് ചൊവ്വാഴ്ച പ്രതിപക്ഷം നിയമസഭയിൽ ആരോപിച്ചിരുന്നു. എന്നാൽ, മരങ്ങൾ വെട്ടിമാറ്റിയതിൽ മാഫിയയ്ക്ക് പങ്കുണ്ടെന്നും അന്വേഷണത്തിൽ വെളിപ്പെട്ടത് മഞ്ഞുമലയുടെ അഗ്രം മാത്രമാണെന്നും സംസ്ഥാന സർക്കാർ ഹൈക്കോടതിയെ അറിയിച്ചു.
