ജയ്‌പൂർ: നിര്‍ത്തിയിട്ട ലോറിയിലേക്ക് മറ്റൊരു ലോറി ഇടിച്ചുണ്ടായ അപകടത്തില്‍ രണ്ട് പേര്‍ മരിച്ചു. ഒരാള്‍ക്ക് ഗുരുതരമായി പരിക്കേല്‍ക്കുകയും ചെയ്‌തു. കല്‍ക്കരി നിറച്ച് റിഷഭ്‌ദേവിലേക്ക് പോകുകയായിരുന്ന ലോറിയാണ് വഴിയരികില്‍ പാര്‍ക്ക് ചെയ്തിരുന്ന ലോറിയിലേക്ക് ഇടിച്ച് കയറിയത്.
ലോറികള്‍ കൂട്ടിയിടിച്ച് കത്തി; രണ്ട് മരണം
വാഹനത്തിന്‍റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമായതെന്നാണ് പ്രാഥമിക നിഗമനം. അപകടത്തില്‍ വാഹനങ്ങള്‍ക്ക് തീപിടിച്ചു. ലോറിയില്‍ കല്‍ക്കരിയുണ്ടായിരുന്നത് തീപിടിത്തത്തിന്‍റെ തീവ്രത കൂട്ടി. അഗ്നിശമന സേനയെത്തി തീയണച്ച ശേഷമാണ് മൃതദേഹങ്ങള്‍ പുറത്തെടുത്തത്. അതേസമയം മരിച്ചത് ആരാണെന്ന് തിരിച്ചറിയാനായിട്ടില്ല.
