കശ്‌മീരില്‍ തീവ്രവാദികള്‍ വെടിയുതിര്‍ത്തു; രണ്ട് മരണം

ദക്ഷിണ കശ്മീരിലെ അനന്ത്നാഗ് ജില്ലയിൽ നിന്നുള്ള സഞ്ജീദ് അഹ്‌പരേ (19), ഷാൻ ഭട്ട് (35) എന്നിവരാണ് കൊല്ലപ്പെട്ടത്

ശ്രീനഗർ: ദക്ഷിണ കശ്മീരിലെ അനന്ത്നാഗ് ജില്ലയിൽ തീവ്രവാദികൾ നടത്തിയ വെടി വയ്പ്പിൽ രണ്ട് പ്രദേശവാസികള്‍ കൊല്ലപ്പെട്ടു. സഞ്ജീദ് അഹ്‌പരേ (19), ഷാൻ ഭട്ട് (35) എന്നിവരാണ് കൊല്ലപ്പെട്ടത്.

ഇരുവരെയും പൊലീസ് അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പ്രദേശത്ത് സുരക്ഷ ശക്തമാക്കിയ പൊലീസ് തീവ്രവാദികൾക്കായുള്ള തെരച്ചിൽ ആരംഭിച്ചു.