ഹൈദരാബാദ് (തെലങ്കാന): പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ രണ്ട് പേർ അറസ്റ്റിൽ. ഷാ കോളനിയിലെ താമസക്കാരായ സയ്യിദ് നൈമത്ത് അഹമ്മദ്(26), സയ്യിദ് രവീഷ് അഹമ്മദ് മെഹ്‌ദി(20) എന്നിരെയാണ് ഇന്നലെ(15.09.2022) പൊലീസ് അറസ്റ്റ് ചെയ്‌തത്. സെപ്‌റ്റംബർ 12ന് രാത്രി 7.45ന് വീട്ടിൽ നിന്ന് പോയ മകളെ കാണാനില്ലെന്ന അമ്മയുടെ പരാതിയിൽ നടത്തിയ അന്വേഷണത്തിലാണ് പീഡന വിവരം പുറത്തായത്.
രണ്ട് ഹോട്ടലുകളിൽ വച്ചായിരുന്നു പീഡനം. സൃജന സ്റ്റേ ഇൻ ഹോട്ടലിലും, ത്രീ കാസിൽസ് ഡീലക്‌സ് ലോഡ്‌ജിലും വച്ച് ലഹരി മരുന്ന് നൽകി പീഡിപ്പിക്കുകയായിരുന്നുവെന്നാണ് പെൺകുട്ടിയുടെ മൊഴി. ചോദ്യം ചെയ്യലിൽ ഇരുവരും കുറ്റം സമ്മതിച്ചു.
Also read: 'സ്ഥലം മാറ്റത്തിന് കാരണക്കാരി' ; പൊലീസുകാരിയെ പീഡിപ്പിച്ച എഎസ്ഐ അറസ്റ്റില്‍
നടപടിക്രമങ്ങൾ പൂർത്തിയാക്കിയ ശേഷം പ്രതികളെ റിമാന്‍ഡ് ചെയ്‌തു. സംഭവത്തിൽ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
