സുരക്ഷ സേനയും ഭീകരരും തമ്മില്‍ ഏറ്റുമുട്ടല്‍; ഒരു ഭീകരന്‍ കൊല്ലപ്പെട്ടു, ഷോപ്പിയാനില്‍ കനത്ത സുരക്ഷ

Terrorist Attack In Shopian: ഷോപ്പിയാനില്‍ ഒരു ഭീകരന്‍ കൊല്ലപ്പെട്ടു. സുരക്ഷ സേനയും ടിആര്‍എഫ് ഭീകരരും തമ്മിലുണ്ടായ ഏറ്റമുട്ടലിലാണ് സംഭവം. ആയുധങ്ങളും വെടിക്കോപ്പുകളും കണ്ടെത്തി സേന.

ശ്രീനഗര്‍: ജമ്മു കശ്‌മീരില്‍ സുരക്ഷ സേനയും ടിആര്‍എഫ്‌ (The Resistance Front) ഭീകരരും തമ്മില്‍ ഏറ്റുമുട്ടല്‍. ഭീകരരില്‍ ഒരാള്‍ കൊല്ലപ്പെട്ടതായി സുരക്ഷ സേന അറിയിച്ചു. കശ്‌മീരിലെ ഷോപ്പിയാനിലെ കതോഹലൻ മേഖലയിലാണ് ഏറ്റുമുട്ടലുണ്ടായത്.

പ്രദേശത്ത് നിന്നും വെടിക്കോപ്പുകളും ആയുധങ്ങളും സുരക്ഷ സേന കണ്ടെത്തി. മേഖലയില്‍ കനത്ത സുരക്ഷയൊരുക്കിയിട്ടുണ്ടെന്നും പ്രദേശത്ത് തെരച്ചില്‍ തുടരുകയാണെന്നും സുരക്ഷ സേന എക്‌സില്‍ കുറിച്ചു.