ട്രെയിനുകൾ റദ്ദാക്കുന്നു... മൂന്ന് ട്രെയിനുകള്‍ പൂര്‍ണമായും ഏഴ് ട്രെയിനുകള്‍ ഭാഗികമായും റദ്ദാക്കി, വഴിതിരിച്ചുവിട്ട് മറ്റ് സര്‍വീസുകള്‍

പുരിയില്‍ നിന്നും ഹൗറ, ഷാലിമര്‍, ഭഞ്‌ജപൂര്‍ എന്നിവിടങ്ങളിലേക്കുള്ള ട്രെയിന്‍ സര്‍വീസുകളാണ് പൂര്‍ണമായും റദ്ധാക്കിയത്.

ഭുവനേശ്വര്‍: ഒഡിഷ ബാലസോറില്‍ ട്രെയിനുകള്‍ കൂട്ടിയിടിച്ചുണ്ടായ അപകടത്തിന്‍റെ പശ്ചാത്തലത്തില്‍ ട്രെയിന്‍ ഗതാഗതത്തില്‍ നിയന്ത്രണം. മൂന്ന് ട്രെയിനുകള്‍ പൂര്‍ണമായും നിരവധി ട്രെയിനുകള്‍ ഭാഗികമായും റദ്ദ് ചെയ്‌തിട്ടുണ്ട്. 12838 പുരി-ഹൗറ എക്‌സ്‌പ്രസ്, 18410 പുരി-ഷാലിമർ ശ്രീ ജഗന്നാഥ് എക്‌സ്‌പ്രസ്, 08012 പുരി-ഭഞ്ജപൂർ സ്പെഷ്യൽ എന്നീ ട്രെയിനുകളാണ് പൂര്‍ണമായും റദ്ധാക്കിയത്.

ഇന്ന് ഭാഗികമായി റദ്ദാക്കിയ ട്രെയിനുകള്‍

• ഖരക്‌പൂരില്‍ നിന്നുള്ള 18021 ഖരഗ്‌പൂർ-ഖുർദ റോഡ് എക്‌സ്‌പ്രസ് ബൈതരണി റോഡിൽ നിന്നും ഖുർദ റോഡിലേക്കാണ് യാത്ര നടത്തുന്നത്. ഖരക്‌പൂരില്‍ നിന്നും ബൈതരണി റോഡിലേക്കുള്ള യാത്രയാണ് റദ്ധാക്കിയത്.
• ഇന്നലെ (02 ജൂണ്‍) ഖുർദ റോഡിൽ നിന്നും യാത്ര ആരംഭിച്ച 18022 ഖുർദ റോഡ്-ഖരഗ്പൂർ എക്‌സ്‌പ്രസ് ബൈതരണി റോഡില്‍ യാത്ര അവസാനിപ്പിക്കും. ബൈതരണി റോഡിൽ നിന്ന് ഖരഗ്‌പൂർ വരെയുള്ള യാത്ര റദ്ധാക്കി.
• ഭുവനേശ്വറില്‍ നിന്നും ഇന്നലെ പുറപ്പെട്ട 12892 ഭുവനേശ്വർ-ബാംഗിരിപോസി എക്‌സ്‌പ്രസ് ജജ്‌പൂര്‍ കിയോഞ്ജർ റോഡ് വരെയാണ് ഓടുന്നത്. ജജ്‌പൂരില്‍ നിന്നും ബംഗിരിപോസി വരെയുള്ള സര്‍വീസ് റദ്ദാക്കി.
• 12891 ബംഗിരിപോസി-ഭുവനേശ്വര്‍ എക്‌സ്‌പ്രസ് ജജ്‌പൂർ കിയോഞ്ജർ റോഡിൽ നിന്നും ഭുവനേശ്വറിലേക്ക് സര്‍വീസ് നടത്തും. ബംഗിരിപോസിയിൽ നിന്ന് ജജ്‌പൂർ കെ റോഡിലേക്കുള്ള യാത്രയാണ് റദ്ദാക്കിയത്.
• ഭുവനേശ്വറില്‍ നിന്ന് ഇന്നലെ പുറപ്പെട്ട 08412 ഭുവനേശ്വർ-ബാലസോർ മെമു ജെനാപൂർ വരെയാണ് സര്‍വീസ് നടത്തുക. ജെനാപൂരിൽ നിന്ന് ബാലസോർ വരെയുള്ള ട്രെയിനിന്‍റെ യാത്ര റദ്ദാക്കി.
• 18411 ബാലസോർ-ഭുവനേശ്വര്‍ മെമു ഇന്ന് ജെനാപൂരിൽ നിന്ന് ഭുവനേശ്വറിലേക്കാണ് സര്‍വീസ് നടത്തുക. ബാലസോറിൽ നിന്ന് ഭുവനേശ്വറിലേക്കുള്ള സര്‍വീസ് ഒഴിവാക്കിയിട്ടുണ്ട്.

ഇന്ന് വഴിമാറ്റി വിട്ട ട്രെയിനുകള്‍

• പുരിയില്‍ നിന്നും ഇന്നലെ പുറപ്പെട്ട 03229 പുരി-പട്‌ന സ്‌പെഷ്യൽ ജഖാപുര-ജരോളി റൂട്ട് വഴിയാണ് സര്‍വീസ് നടത്തുന്നത്.
• ജൂണ്‍ ഒന്നിന് ചെന്നൈയില്‍ നിന്നും യാത്ര ആരംഭിച്ച 12840 ചെന്നൈ-ഹൗറ മെയിൽ ജഖാപുര-ജരോലി വഴി സര്‍വീസ് നടത്തും.
• വാസ്‌കോയില്‍ നിന്നും ജൂണ്‍ ഒന്നിന് പുറപ്പെട്ട 18048 വാസ്‌കോ ഡ ഗാമ-ഹൗറ അമരാവതി എക്‌സ്‌പ്രസും ജഖാപുര-ജരോളി റൂട്ടിലാണ് ഇന്ന് ഓടുന്നത്.
• സെക്കന്തരാബാദില്‍ നിന്നും ഇന്നലെ യാത്ര ആരംഭിച്ച 22850 സെക്കന്തരാബാദ്-ഷാലിമർ എക്‌സ്‌പ്രസും ജഖാപുര-ജരോലി വഴി ഓടും.
• പുരിയില്‍ നിന്നും ഇന്നലെ സര്‍വീസ് ആരംഭിച്ച ട്ട 12801 പുരി-ന്യൂഡൽഹി പുരുഷോത്തം എക്‌സ്‌പ്രസ് ജഖാപുര-ജരോലി റൂട്ടില്‍ സര്‍വീസ് നടത്തും.
• പുരിയില്‍ നിന്ന് ഇന്നലെ യാത്ര ആരംഭിച്ച 18477 പുരി-ഋഷികേശ് കലിംഗ ഉത്കൽ എക്‌സ്‌പ്രസ് അംഗുൽ-സംബൽപൂർ സിറ്റി - ജാർസുഗുഡ റോഡ് - ഐബി റൂട്ട് വഴി ഓടും.
• ഇന്നലെ സംബാൽപൂരിൽ നിന്ന് പുറപ്പെട്ട 22804 സംബൽപൂർ-ഷാലിമർ എക്‌സ്‌പ്രസ് സംബൽപൂർ സിറ്റി - ജാർസുഗുഡ റൂട്ടിലാണ് സര്‍വീസ് നടത്തുന്നത്.
• ബെംഗളൂരുവില്‍ നിന്നും ജൂണ്‍ ഒന്നിന് സര്‍വീസ് ആരംഭിച്ച 12509 ബാംഗ്ലൂർ-ഗുവാഹത്തി എക്‌സ്പ്രസ് വിജയനഗരം-തിറ്റിലഗഡ്-ജാർസുഗുഡ-ടാറ്റ റൂട്ട് വഴി ഓടും.
• താംബരത്തുനിന്നും ജൂണ്‍ ഒന്നിന് സര്‍വീസ് തുടങ്ങിയ 15929 താംബരം-ന്യൂ ടിൻസുകിയ എക്‌സ്‌പ്രസ് റാനിറ്റൽ-ജരോളി റൂട്ട് വഴി ഓടും.