ന്യൂഡൽഹി : പ്രധാനമന്ത്രി നരേന്ദ്ര മോദിയുടെ പ്രതിമാസ റേഡിയോ പരിപാടിയായ 'മൻ കി ബാത്ത്' ഞായറാഴ്ച രാവിലെ 11 ന്. നരേന്ദ്രമോദിയുടെ റേഡിയോ പ്രസംഗത്തിന്‍റെ 82-ാമത് പതിപ്പാണിത്. ഓള്‍ ഇന്ത്യ റോഡിയോ, ദൂരദർശൻ എന്നിവയുടെ മുഴുവൻ നെറ്റ്‌വർക്കിലും നരേന്ദ്ര മോദി മൊബൈൽ ആപ്പിലും പ്രക്ഷേപണം ചെയ്യും.
ALSO READ: ഇന്ധനവിലയില്‍ വീണ്ടും ഇരുട്ടടി ; സംസ്ഥാനത്ത് 110 കടന്ന് പെട്രോൾ വില
എല്ലാ മാസവും അവസാന ഞായറാഴ്ചയാണ് പരിപാടി. പുതിയ എപ്പിസോഡിനായുള്ള ആശയങ്ങൾ പങ്കിടാൻ എല്ലാവരെയും ക്ഷണിക്കുന്നുവെന്നും നമോ ആപ്പിലൂടെയോ അല്ലെങ്കിൽ 1800-11-7800 എന്ന നമ്പറിലൂടെയോ അറിയിക്കാമെന്നും പ്രധാനമന്ത്രി ട്വീറ്റിലൂടെ അറിയിച്ചിരുന്നു. രാജ്യം കൊവിഡ് വാക്‌സിന്‍ കുത്തിവയ്‌പ്പില്‍ 100 കോടി കടന്നത് സംബന്ധിച്ച് മോദി സംസാരിച്ചേക്കുമെന്നാണ് വിവരം.
