മുംബൈ: മഹാരാഷ്‌ട്ര കുർളയിലെ നായിക്‌ നഗറില്‍ നാലുനില കെട്ടിടം തകർന്നുവീണ സംഭവത്തില്‍ മൂന്ന് മരണം. ചൊവ്വാഴ്‌ച പുലര്‍ച്ചയോടെയുണ്ടായ അപകടത്തില്‍ 11 പേര്‍ക്ക് പരിക്കേറ്റു. 12 പേര്‍ കൂടി അകപ്പെട്ടിട്ടുണ്ടെന്നാണ് നിഗമനം.
ഫയർഫോഴ്‌സ്, എൻ.ഡി.ആർ.എഫ്, പൊലീസ് എന്നിവയുടെ നേതൃത്വത്തില്‍ രക്ഷാപ്രവര്‍ത്തനം പുരോഗമിക്കുന്നു. പരിക്കേറ്റവരെ ഘട്‌കോപ്പറിലെയും സിയോണിലെയും ആശുപത്രികളില്‍ ചികിത്സയിലാണ്. തങ്ങളുടെ രണ്ട് സംഘങ്ങള്‍ കെട്ടിടത്തില്‍ ഊര്‍ജിതമായ- രക്ഷാപ്രവർത്തനത്തില്‍ ഏർപ്പെട്ടുവെന്ന് എൻ.ഡി.ആർ.എഫ് മുതിര്‍ന്ന ഉദ്യോഗസ്ഥന്‍ അനുപം ശ്രീവാസ്‌തവ പറഞ്ഞു.
മഹാരാഷ്‌ട്രയില്‍ നാലുനില കെട്ടിടം തകർന്നുവീണ സംഭവത്തില്‍ മന്ത്രി ആദിത്യ താക്കറെ പ്രതികരിക്കുന്നു
