ശ്രീനഗർ: വിദ്വേഷ പ്രസംഗത്തിന് മുതിർന്ന നാഷണൽ കോൺഫറൻസ് നേതാവും എംപിയുമായ അക്ബർ ലോണിന്‍റെ മകൻ ഹിലാൽ അക്ബറിനെതിരെ കേസെടുത്തു. കശ്മീരിലെ ബന്ദിപോരയിൽ നടത്തിയ വിദ്വേഷ പ്രസംഗത്തിനാണ് ഹിലാലിനെതിരെ യുഎപിഎ ചുമത്തി കേസ് രജിസ്റ്റർ ചെയ്തത്.
ജമ്മു കശ്മീരിലെ തെരഞ്ഞെടുപ്പ് പ്രചാരണ വേളയിൽ നടത്തിയ പ്രസംഗത്തെത്തുടർന്ന് ഡിസംബർ 25 മുതൽ ഹിലാൽ എംഎൽഎ ഹോസ്റ്റലിൽ കരുതൽ തടങ്കലിലായിരുന്നു.
153 എ / 188/505 ഐപിസി 13 വകുപ്പുകൾ പ്രകാരമാണ് ഹിലാലിനെതിരെ കേസെടുത്തതെന്ന് പൊലീസ് ഉദ്യോഗസ്ഥർ അറിയിച്ചു. ഹിലാലിനെ ഉടൻ കോടതിയിൽ ഹാജരാക്കുമെന്നും ഉദ്യോഗസ്ഥർ പറഞ്ഞു.
