17,489 കൊവിഡ് ബാധിതർ ; ഏറ്റവും ഉയർന്ന പ്രതിദിന വർധനവ് രേഖപ്പെടുത്തി കർണാടക

80 മരണങ്ങളാണ് സംസ്ഥാനത്ത് കൊവിഡ് മൂലമാണെന്ന് ഇന്ന് സ്ഥിരീകരിച്ചത്.

ബെംഗളൂരു: കൊവിഡ് രോഗികളുടെ എണ്ണത്തിൽ ഏറ്റവും ഉയർന്ന പ്രതിദിന വർധനവ് രേഖപ്പെടുത്തി കർണാടക. ഇന്ന് 17,489 കേസുകളാണ് സംസ്ഥാനത്ത് റിപ്പോർട്ട് ചെയ്‌തത്. ഇതോടെ ആകെ കൊവിഡ് ബാധിതരുടെ എണ്ണം 11,41,998 ആയി. ഇന്ന് മാത്രം 80 മരണങ്ങള്‍ കൊവിഡ് മൂലമാണെന്ന് തിരിച്ചറിഞ്ഞു.

ഇതുവരെ 13,270 പേരാണ് കർണാടകയിൽ കൊവിഡ് ബാധിച്ച് മരിച്ചത്. ബെംഗളൂർ നഗരത്തിൽ മാത്രം 11,404 കേസുകളാണ് റിപ്പോർട്ട് ചെയ്‌തത്. കഴിഞ്ഞ 24 മണിക്കൂറിനിടെ 1,43,308 സാമ്പിളുകള്‍ പരിശോധിച്ചു. 5,565 പേരാണ് രോഗമുക്തി നേടിയത്. 1,19,160 പേരാണ് സംസ്ഥാനത്ത് ചികിത്സയിൽ തുടരുന്നത്.