ബെംഗളൂരു: ഐ.എസ്.ആർ.ഒ ചെയർമാനും ഉന്നത ഉദ്യോഗസ്ഥരും കൊവിഡ് വാക്‌സിന്‍റെ ആദ്യ ഡോസ് സ്വീകരിച്ചു. ഇസ്റോ ചെയർമാൻ ഡോ.കെ.ശിവനും, സയന്‍റിഫിക് സെക്രട്ടറി ഡോ.ഉമാമഹേശ്വരൻ,മുൻ ചെയർമാൻ ഡോ.എ.എസ് കിരൺ കുമാർ, ഡോ. രാധാകൃഷ്ണൻ എന്നിവരാണ് വാക്‌സിന്‍റെ ആദ്യ ഡോസ് സ്വീകരിച്ചത്. ബെംഗളൂരവിലെ ആസ്റ്റർ സി എം ഐ ആശുപത്രിയിൽ നിന്നാണ് വാക്‌സിനുകൾ സ്വീകരിച്ചത്.
2021 ജനുവരി 16 നാണ് രാജ്യവ്യാപകമായി വാക്സിനേഷൻ ആരംഭിച്ചത്.രാണ്ടാം ഘട്ടം മാർച്ച് രണ്ടിന് പ്രധാനമന്ത്രി വാക്‌സിൻ സ്വീകരിച്ച് തുടക്കമിട്ടു. ഇതിന്‍റെ തുടർച്ചയായിട്ടാണ് ഐ.എസ്.ആർ.ഒ ചെയർമാനും ഉന്നത ഉദ്യോഗസ്ഥരും കൊവിഡ് വാക്‌സിൻ സ്വീകരിച്ചത്. സംസ്ഥാന മുഖ്യമന്ത്രിമാരും, കേന്ദ്രമന്ത്രിമാരും വാക്‌സിന്‍റെ ആദ്യ ഡോസ് സ്വീകരിച്ചവരിൽ പെടുന്നു.
