ന്യൂഡൽഹി : അടുത്ത രണ്ട് മണിക്കൂറിൽ തലസ്ഥാനത്തും സമീപ പ്രദേശങ്ങളിലും ഇടിമിന്നലോടുകൂടിയ നേരിയ മഴയ്‌ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് (ഐഎംഡി) അറിയിച്ചു. ഡൽഹിയിലെ തെക്കുപടിഞ്ഞാറൻ പ്രദേശങ്ങളിലും ഫാറൂഖ്‌നഗർ, മനേസർ (ഹരിയാന) എന്നീ സമീപ പ്രദേശങ്ങളിലുമാണ് മഴയ്‌ക്ക് സാധ്യതയുണ്ടെന്ന് മുന്നറിയിപ്പ് നൽകിയിരിക്കുന്നത്.
Also Read: ആശ്വാസത്തോടെ ഡൽഹി: കൊവിഡ് കേസുകൾ കുറയുന്നു
ടൗട്ടെ ചുഴലിക്കാറ്റിന്‍റെ ആഘാതത്തിൽ നഗരത്തിലെ കാലാവസ്ഥ വ്യതിയാനത്തെത്തുടർന്ന് 24 മണിക്കൂറിനുള്ളിൽ 119.3 മില്ലിമീറ്റർ മഴയാണ് ഡൽഹിയിൽ രേഖപ്പെടുത്തിയത്. 1951 മെയ് മാസം മുതലുള്ള കണക്കുകളിൽ ഏറ്റവും ഉയർന്ന മഴ ലഭ്യതയാണിതെന്നും ഐഎംഡി വ്യക്തമാക്കി.
