മോർബി: 140 പേരുടെ ദാരുണാന്ത്യത്തിന് ഇടയാക്കിയ തൂക്കുപാലദുരന്തമുണ്ടായ മോർബി നിയമസഭ മണ്ഡലവും ബിജെപിയെ കൈവിട്ടില്ല. ബിജെപിയുടെ കാന്തിലാൽ അമൃതിയ ഈ മണ്ഡലം പിടിച്ചു. മോർബി ദുരന്തം ജനവിധിയെ ബാധിച്ചേക്കാന്‍ സാധ്യതയുണ്ടെന്ന വിലയിരുത്തല്‍ നേരത്തേ വന്നിരുന്നെങ്കിലും ഇതിനെ തള്ളിക്കളയുന്നതാണ് ഫലം.
ALSO READ| താമരത്തണല്‍ തേടിയ പട്ടേലും താക്കൂറും കരപറ്റി, മേവാനി പിന്നില്‍ തന്നെ
ഉച്ചയ്‌ക്ക് 1.20 വരെയുള്ള കണക്കുപ്രകാരം, കാന്തിലാൽ അമൃതിയ 82,525 വോട്ടുകൾക്കാണ് ലീഡ് ചെയ്‌തത്. കോൺഗ്രസിന്‍റെ ജയന്തിലാൽ പട്ടേൽ 43,989 വോട്ടുകൾക്ക് രണ്ടാമതാണുള്ളത്. എഎപിയുടെ പങ്കജ് കാന്തിലാൽ റസാരിയ 14,108 വോട്ടുകൾ നേടി മൂന്നാം സ്ഥാനത്തുമുണ്ട്.
