ന്യൂഡൽഹി: ദേശീയ തലസ്ഥാനത്ത് പ്രതിമാസം 80 ലക്ഷം കൊവിഡ് വക്സിൻ ഡോസുകളുടെ ആവശ്യമുണ്ടെന്ന് മുഖ്യമന്ത്രി അരവിന്ദ് കെജ്‌രിവാൾ. മെയ് മാസത്തിൽ ഡൽഹിക്ക് 16 ലക്ഷം വാക്സിൻ ഡോസുകൾ മാത്രമാണ് ലഭിച്ചത്. നിലവിലത്തെ സ്ഥിതിയാണെങ്കിൽ സംസ്ഥാനത്ത് മുതിർന്നവർക്ക് വാക്സിനേഷൻ നൽകാൻ കുറഞ്ഞത് 30 മാസമെടുക്കുമെന്നും പ്രധാനമന്ത്രിക്കയച്ച കത്തിൽ കെജ്‌രിവാൾ പറഞ്ഞു.
ദേശീയ തലസ്ഥാനത്തിനായുള്ള കൊവിഡ് വാക്സിൻ ലഭ്യമാക്കുന്നതിന് ദേശീയ തലത്തിൽ വാക്സിനുകൾ ഇറക്കുമതി ചെയ്യണം. കേന്ദ്രത്തിൽ നിന്ന് ലഭിക്കേണ്ട വാക്സിൻ വിഹിതം ലഭിക്കാത്തതിനാൽ ഇന്ന് മുതൽ യുവജനങ്ങൾക്കുള്ള വാക്സിനേഷൻ നിർത്തിവക്കുകയാണെന്നും കെജ്‌രിവാൾ കത്തിൽ പറഞ്ഞു.
ഭാരത് ബയോടെക്കിന്റെ കൊവാക്സിൻ നിർമിക്കാനായി രാജ്യത്തുടനീളം വാക്സിനുകൾ നിർമ്മിക്കുന്ന എല്ലാ കമ്പനികളോടും നിർദേശിക്കണമെന്നും രാജ്യത്ത് വാക്സിനുകൾ നിർമിക്കുന്നതിന് അന്താരാഷ്ട്ര വാക്സിൻ നിർമ്മാതാക്കൾക്ക് അനുമതി നൽകണമെന്നും കത്തിൽ പറയുന്നു. കഴിഞ്ഞ 24 മണിക്കൂറിനുള്ളിൽ 2,200 കൊവിഡ് കേസുകളാണ് ഡൽഹിയിൽ റിപ്പോർട്ട് ചെയ്തത്.
Also read: ഇന്ത്യയില്‍ സ്പുട്നിക് വി വാക്സിന്‍ ഉത്പാദനം ആഗസ്ത് മുതല്‍ ആരംഭിക്കും
